हवाई हमलामा हालसम्म १७ बालबालिकासहित ६७ को मृत्यु

तस्बिर : राेयटर्स

बैशाख ३०,काठमाडौं । इजरायल र प्यालेस्टाइनबीच केही वर्षयताकै हिंसात्मक द्वन्द्व रोकिने छाँटकाँट देखिएको छैन । बुधबार पनि इजरायलले हवाई हमला जारी राख्यो भने हमासले पनि रकेट आक्रमणलाई निरन्तरता दिएको छ । संयुक्त राष्ट्रसंघले पछिल्लो द्वन्द्व ‘युद्ध’ मा नै परिणत हुन सक्ने चेतावनी दिएको छ । ‘गोलाबारी तुरुन्त बन्द गरौँ । हामी युद्धतर्फ बढ्दैछौँ,’ मध्यपूर्वको शान्ति प्रक्रियाका संयुक्त राष्ट्रका विशेष संयोजक टोर वेन्सलेन्डले ट्वीट गर्दै आग्रह गरेका छन् ।

गाजा क्षेत्रमा इजरायलले गरेको हवाई हमलामा परेर १७ जना बालबालिकासहित ६७ जनाले ज्यान गुमाइसकेका छन् भने ३ सय ८८ जना घाइते भएका छन् । इजरायलले यसमध्ये १५ जना हमासका विद्रोहीहरु रहेको दाबी गरेको छ । सोमबार यता गाजामा रहेका विद्रोहीहरुले १ हजारभन्दा बढी रकेट प्रहार गरेका छन् । यसबाट २ सयभन्दा इजरायली सर्वसाधारण घाइते भएका छन् । गत रातिमात्र तेल अभिभमा १३० वटा रकेट प्रहार भए जसले इजरायलको मुख्य अन्तर्राष्ट्रिय विमानस्थल नै बन्द गर्नुपरेको थियो । विद्रोहीहरुले प्रहार गरेका अधिकांश रकेटलाई इजरायलको हवाई प्रतिरक्षा प्रणाली आइरन डोमले रोक्न सफल भएको थियो । तर, केही रकेट भने तेल अभिभमा खसेको थियो । एउटा बसमा रकेट लागेर आगलागी हुँदा एक इजरायली महिलाले ज्यान गुमाएकी छिन् ।

बुधबार प्यालेस्टेनी विद्रोहीहरुले गाजाबाट एन्टीट्यांक मिसाइल प्रहार गर्दा एक इजरायली सैनिक पनि मारिएको इजराजयलको डिफेन्स फोर्स (आईडीएफ) ले जनाएको छ । घटनामा दुईजना घाइते भएका थिए ।

गाजामा इजरायलको हवाई हमला कयौँ भवनहरुका क्षति पुगेको छ । प्यालेस्टाइनका स्वास्थ्य मन्त्रालयका प्रवक्ता असरफ अल–किद्राका अनुसार हवाई हमलाका पीडितमध्ये ४३ प्रतिशत महिला र बालबालिका रहेका छन् । उनले इजरायले सचेतरुपमा सर्वसाधारणको घर र आवासीय क्षेत्रलाई निशाना बनाएको आरोप लगाए ।

स्रोत : सीएनएन






Related Posts
  • प्रतिपक्षको विरोधका बीच प्रतिनिधि सभाबाट बजेटसम्बन्धी दुई विधेयक पारित
  • घुन्सा हेलिकप्टर दुर्घटना भएको १५ वर्ष पुरा,सम्झनामा दीप प्रज्वलन
  • नेकपा एकीकृत समाजवादीका पदाधिकारीहरु चुनिए
  • अग्रजलाई सम्मान, युवालाई कार्यकारी जिम्मा दिने माधव नेपालको प्रतिवेदन
  • पछिल्ला सम्प्रेसणहरु

    कुवेतमा सडक दुर्घटनामा किप्पा नेकोर तामाङको मृत्यु

    प्रतिपक्षको विरोधका बीच प्रतिनिधि सभाबाट बजेटसम्बन्धी दुई विधेयक पारित

    राष्ट्रसंघ मुख्यालयअघि गोविन्द केसीको प्रदर्शन

    बिजनेष

    ४०० केभी प्रसारणलाइन सुरु भएको ८ वर्षमा पनि बनेन,निर्माणमा अझै अवरोध

    अन्तर्वार्ता

    हामीसंग फेसबुकमा जोड़िनुहोस