भारतसँग जोडिएको सीमा-नाका खुल्ला गर्न जसपाको माग

काठमाडौं ९,मंसिर जनता समाजवादी पार्टीका अध्यक्षद्वयले कोरोना महामारीसँगै बन्द गरिएको भारतसँग जोडिएको सीमा-नाका तत्कालै खोल्न माग गरेका छन्। जसपाका अध्यक्षद्वय महन्थ ठाकुर र उपेन्द्र यादवले मंगलबार जारी गरेको प्रेस विज्ञप्तिमा सीमा-नाका तत्काल खुल्ला गरेर व्यवस्थित र सहज बनाउन आग्रह गरेका हुन्।

ठाकुर र यादवद्वयद्वारा जारी गरिएको संयुक्त विज्ञप्तिमा लामो समयदेखि सीमा-नाका बन्द हुँदा तराई–मधेसका जनताको जीवन कष्टकर बनेको उल्लेख छ।

‘लम्बिएको सिमा नाका बन्दले मुलुकको अर्थतन्त्रलाई धराशायी त बनाएकै छ। सीमा क्षेत्रका बासिन्दाको जनजीवन समेत कष्टकर बनेको छ,’ विज्ञप्तिमा भनिएको छ‚ ‘सीमा बन्दले तराई–मधेसका जनताको कृषि, शिक्षा, स्वास्थ्य उपचार, रोजगार, आर्थिक, समाजिक क्षेत्रमा गम्भीर समस्या देखिएको छ। जनताको जीवन थप कष्टकर हुन नदिन सरकारले भारतसँग जोडिएको सीमा-नाकालाई तत्काल खुल्ला गर्नुपर्ने विज्ञप्तिमा भनिएको छ।

जसपाका अध्यक्षद्वयले सिमा नाका बन्द गरिएपनि कोरोना भाइरस संक्रमण रोक्न सरकारको पूर्वतयारी निकै कमजोर रहेको पुष्टि भएकाले अब सीमा बन्द गर्न आवश्यक नभएको उनीहरुको तर्क छ। उनीहरुलें कोरोना संक्रमणलाई अझ फैलन नदिन योजनाबद्ध रुपमा प्रभाकारी ढंगले चिकित्सक तथा स्वास्थ्यकर्मीको जोखिम भत्ताको उपलब्धता, अस्पताल, स्वास्थ्य उपकरण, जनशक्ति र औषधिको उचित र आवश्यक व्यवस्थापन मिलाउन पनि सरकारसँग माग गरेको छ।






Related Posts
  • कांग्रेस भात्री संघ निती,अनुसन्धान तथा प्रतिष्ठान कुवेत प्रमुखमा राई नियुक्त
  • पर्वत जिल्लामा स्थापित श्री देवनारायण अक्षयकोष द्वारा समाजसेवी दुर्गा गुरुङ मिलनलाई सम्मान
  • निद्रा नलाग्ने समस्या छ भने यी पाँच फलफूल तथा खाना खानुहोस्
  • मुस्कान खातुनलाई राष्ट्रपतिले दिइन् बधाई
  • पछिल्ला सम्प्रेसणहरु

    कांग्रेस भात्री संघ निती,अनुसन्धान तथा प्रतिष्ठान कुवेत प्रमुखमा राई नियुक्त

    पर्वत जिल्लामा स्थापित श्री देवनारायण अक्षयकोष द्वारा समाजसेवी दुर्गा गुरुङ मिलनलाई सम्मान

    कुवेतमा एक नेपाली महीलाको निधन

    बिजनेष

    ‘नेपाली खाना विश्वभर पस्किँदैछु’ चर्चित मास्टर सेफ साह

    अन्तर्वार्ता

    हामीसंग फेसबुकमा जोड़िनुहोस