नोभेम्बर २५,कुवेत | हृदयघातबाट फेरी अर्का एक नेपालीको निधन भएको छ |
बिगत दुइ वर्षदेखि कुवेतको अल तकदम रियलस्टेट कम्पनीमा गार्डेनरको रुपमा काम गर्दै आएका दुर्गा बहादुर तामाङको नोभेम्बर २४ तारिख शनिवारका दिन सुतेको अवस्थामै निधन भएको पुस्टी भएको हो |
मृतक तामाङ कास्की जिल्ला लेखनाथ २९ भाडारिकाका स्थायी वासिन्दा हुन्।
कम्पनीमा बिहानको काम सकेर करिब दिउँसो १२ बजे कोठामा फर्केका उनी खाना खाएर सुतेका थिए ।
मृतक तामाङ नियमित समयमा नउठेपछि सहकर्मीहरुले उठाउन खोज्दा उनलाई मृत अवस्थामा भेटिएका सहकर्मीहरुले बताएको छ ।
नेपाली राजदूतावासले आवश्यक सम्पूर्ण कानुनी प्रक्रिया पूरा गरेर मृतकको शव नेपाल पठाउने दुतावास श्रोतले जानकारी दिएका छन् |
११ दिनको अन्तरालमा दुइ नेपालीले हृदयघातको कारणले ज्यान गुमाएका छन् |गत नोभेम्बर १५ तारिखका दिन झापा जिल्ला माइधारा घर भएका बिष्णु घिमिरे पनि ओछ्यानमै मृत अवस्थामा भेटिएका थिए |