१२५ पाठक संख्या
युग लामा
युग लामा- नेपालमा फ्रान्सबाट आएकी १९ वर्षिय विद्यार्थी युवतीमा कोरोना पोजेटिभ भेटियो । अब उनी कुन मितिमा, कुन एअरलाइन्सको कति नम्बर फ्लाइट, फ्लाइटमा रहेका सबै यात्रुहरु, उनी चढेको ट्याक्सी चालक, उनीसंग सम्पर्कमा आएका परिवारका सदस्य, साथीभाई र आफन्त उनी जहाँ-जहाँ पुगे, जो जसको सम्पर्कमा पुगिन सबैलाई यो रोग सारेको हुन सक्छ ।
ति युवतीको सम्पर्कमा गएका परिवार सदस्य, साथीभाई को कस्कोको सम्पर्कमा गए यो नियन्त्रन भन्दा बाहिरको कुरा हो । यि युवतीको सम्पर्कमा आएर गएका ब्यक्तिहरु को कस्को सम्पर्कमा गयो सबैलाई निगरानीमा राख्न सम्भब छ त ?
त्यसैले बाहिर देशबाट आउने सबै यात्रुलाई १४ दिन सरकारको प्रत्यक्ष निगरानीमा क्वारेन्टाइनमा अनिबार्य राख्नु पर्छ होम क्वारेन्टाइनमा होइन । होम क्वारेन्टाइनले अझ अरु परिवार सद्स्यहरुमा भाईरस सार्ने काम धेरै हुन्छ । त्यसैले अन्तरराष्ट्रिय फ्लाइट र स्थल मार्ग बन्द गरी हावाइमार्ग र स्थलमार्गबाट आउने सबै यात्रुहरुलाई १४ दिन सरकारको प्रत्यक्ष निगरानीमा क्वारेन्टाइनमा राखी नेपाललाई नै लकडाउन आजको आवश्यकता हो ।
