२३४ पाठक संख्या
वैशाख १९,काठमाडौं । संघीय सरकारले कोभिड-१९ को महामारी रोकथाम, नियन्त्रणका लागि सातै प्रदेशहरुमा समन्वय गर्न सातजना मन्त्रीलाई संयोजक तोकेको छ ।
आइतबार बसेको मन्त्रिपरिषद्को बैठकले प्रदेशसँग समन्वय र संयोजन गरि महामारीविरुद्धको लडाइमा आवश्यक पर्ने लजिष्टिक लगायतका सहयोगको लागि संघीय सरकारले सातजना मन्त्रीलाई संयोजक तोकेको हो ।
बैठकले प्रदेश १ को संयोजकमा भूभि व्यवस्थामन्त्री डा. शिवमाया तुम्बाहाम्फेलाई तोकेको छ । त्यस्तै प्रदेश २ को संयोजकमा शहरी विकास मन्त्री प्रभु साह तोकिएका छन् ।
वागमतीमा सञ्चार तथा सूचना प्रविधि मन्त्री पार्वत गुरुङ, गण्डकीमा कृषिमन्त्री पद्मा अर्याल, लुम्बिनीमा परराष्ट्र मन्त्री प्रदिप ज्ञवाली, कर्णालमा वनमन्त्री प्रेम आले र सुदूरपश्चिमको संयोजकमा उद्योग मन्त्री लेखराज भट्ट तोकिएका छन् ।
