पोखरामा देउवाप्रति खनिए : नेता पौडेल, अदालतको निर्णय मान्छौं : देउवा


फाल्गुण ७,पोखरा । पोखरामा नेपाली कांग्रेसका सभापति शेरबहादुर देउवाप्रति वरिष्ठ नेता रामचन्द्र पौडेल खनिएका छन् । नेपाल राष्ट्रिय मगर संघको प्रथम गण्डकी प्रदेश सम्मेलन तथा राष्ट्रिय मगर विद्यार्थी संघको घोषणा कार्यक्रममा सहभागी हुनुभएका दुई नेताबीच फरक फरक मत देखिएको थियो । प्रधानमन्त्री केपी शर्मा ओलीले गरेको संसद् विघटनविरुद्ध बोल्दै देउवाले अदालतको निर्णयअनुुसार जाने र सडकमा नजाने बताउनुभएको थियो । कार्यक्रमको उद्घाटनपश्चात् बोल्दै देउवाले सडकमा जाने भए किन चाहियो अदालत भन्दै अदालतले निर्वाचन भने निर्वाचन र संसद् पुनस्र्थापना भने पुनस्र्थापना हुने बताउँदै बिदा हुनुभएको थियो । सोही कार्यक्रमको संम्बोधन गर्नुभएका वरिष्ठ नेता पौडेलले सभापति देउवाको अभिव्यक्तिप्रति खण्डन गर्दै कांग्रेस हेरेर नबस्ने बताउनुभयो ।

अदालतको निर्णय मान्छौं : देउवा

ओली र प्रचण्डको जसरी सडकमा भिड ल्याउने पैसा कांग्रेससँग छैन । दुई तिहाइको बहुमत पाएको पार्टीका सभापति केपी ओलीजीले संसद् विघटन गरेर देशलाई ठुलो दुर्घटनामा पार्नुभयो । देशकै शक्तिशाली पार्टी बनेको अवस्थामा समेत पक्ष र विपक्ष हुँदै कहिले एकअर्कालाई ठीक त कहिले एकअर्कालाई बेठीक भन्दै जनतालाई झुक्याउने खेल खेल्ने काम मात्र भयो । संसद् विघटनपश्चात् दुई कुराबाहेकको विकल्प छैन । अदालतले कि संसद् पुनस्र्थापना गर्छ कि निर्वाचनमा जान भन्छ । अदालतकै निर्णयअनुसार कांग्रेस जान्छ । अदालतको आदेश नमान्ने भए किन चाहियो अदालत? हामीसँग सडकमा जाने पैसा छैन, जुलुसको आधारमा हुने भए अदालत किन? ओली र प्रचण्डको जसरी पैसाको जुलुस कांग्रेसले गर्दैन जुलसमा सबै कार्यकर्तासमेत आउँदैनन् । हामीले यसो गर उसो गर भनेर अदालतलाई भन्न मिल्छ? कांग्रेस निर्वाचनमा जाने नजाने विषयमा केन्द्रमा पटकपटक छलफल भएको छ । अदालतले पुनस्र्थापना भने पुनस्र्थापना र निर्वाचन भने निर्वाचनमै जान्छ ।

अदालतलाई टुलुटुल हेरेर बस्न सकिँदैन :पौडेल

हाम्रै नेताहरु अदालतको निर्णय कुरेर बस्ने हो? ४ जात ३६ वर्णको फँलबारी बनाउनुभएको थियो बीपीले । सबैलाई जातलाई समेटी बनाउनुभयो कांग्रेस पार्टी, मन्त्रीमण्डल बनाउनुभयो । त्यो भन्दापछि यसरी पल्टियो हाम्रो पार्टी कसकसले गल्ती गरेका छौं । त्यो नेताहरुले सबै जिम्मेवारी लिनुपर्छ । को कसले यस्तो गरेका छन् आज त्यो पनि लेखाजोखा हुनुपर्छ । म घुमाउरो कुरा जान्दिनु , पार्टीको सबैभन्दा ठुलो नेता हुने तर लोकतन्त्रमाथि आघात पर्दा अदालतलाई देखाएर बस्ने कुरा म जान्दिनँ ।त्यस्तो नहुने कुरा गर्न मलाई आउँदैन त्यसैले यहाँबाट म आज भन्छु तपाईंहरुले पाएको अधिकार नछिनियोस् । आदिवासी, जनजाति, दलित, महिला अपांगले पाएको अधिकार हनन भएको छ यो केपी ओलीको कदमले । यो संविधान फाल्ने नियतले गरिएको छ र अदालतले बचाएन भने के हुन्छ यो देशमा भोलि? त्यसैले अदालतलाई हामीले किन खबरदारी नगर्ने? छाड्ने कि नछाड्ने? यो देशमा संसद् पुनस्र्थापना हुन्छ मलाई विश्वास छ नभए यो मुलुकमा गृहयुद्धको स्थिति आउन सक्छ । अफगानिस्तानतर्फ नेपालको स्थिति जान सक्छ त्यसैले देशलाई बचाउने जिम्मा सर्वोच्चको काँधमा आएको छ । हामीले त यहाँबाट खबरदारी मात्र गर्ने हो । सर्वोच्चले यसको संरक्षण गरोस् भनेर हामीले किन जिकिर नगर्ने हामी अदालतलाई धम्काउने होइनौं अनुरोध गर्ने हो । हामीले अनुरोध गरेनौं भने वकालत गरेनौं भने यो पार्टीको के काम नेताहरुको के काम? त्यसैले साथीहरु सही निर्णय लिनु ।

कम्युनिस्ट सरकारले असंवैधानिक कदम चालिरहँदा कांग्रेस अदालत कुरेर बस्न सक्छ? हामी अदालत कुर्दैनौ हामी आन्दोलनमै जान्छौं । सडकले नै लोकतन्त्रको रक्षा गर्न सक्छ । लोकतन्त्रको उत्तरदायी को? देशको राजनीतिक पहरेदार गर्ने को? लोकतन्त्रको रक्षा गर्दै विकास गर्न सक्ने भरोसाको केन्द्र भनेकै कांग्रेस हो । यस्तो पार्टी पाइयो कि कसले के भन्छ भनेर हामी हेरेर बस्नै होइन, अगाडि बढ्ने हो ।नेपालमा संवैधानिक व्यवस्था छ संविधानको अक्षर र भावनाअनुरुप नै जानुपर्छ । चुनाव त सधैं हुन्छ । अदालतको भर किन लोकतन्त्र रह्यो भने अदालत रहन्छ, अदालत कुर्न हामी सक्दैनौं । कम्युनिस्ट सरकार आएको ३ वर्ष बित्न नपाउँदै सरकार भंग गर्नु केपी ओलीको तानाशाही कदम हो । नेपाल समाचारपत्रबाट ।






Related Posts
  • संसद पुनर्स्थापनापछि प्रधानमन्त्री झन् बलियो भएको सुवास नेम्वाङको दाबी
  • भ्रष्टाचार नियन्त्रणको कामलाई विगतको भन्दा प्रभावकारी बनाउने- अख्तियार प्रमुख
  • प्रधानमन्त्री ओलीको पक्षमा बहुमत सांसद रहेको प्रमुख सचेतक भट्टराईको दाबी
  • युवा समितिको ७१ जिल्लामा अध्यक्ष चयन
  • पछिल्ला सम्प्रेसणहरु

    बिहेघरमा आक्रमणपछि लुटपाट : बेहुलीका बुवासहित चार घाइते

    पर्वतको श्री जन विकास मा.वि.का बिद्यार्थीहरुलाई बेल्जियम निवासी उमा गुरुङ द्वारा स्वीटर वितरण

    संसद पुनर्स्थापनापछि प्रधानमन्त्री झन् बलियो भएको सुवास नेम्वाङको दाबी

    बिजनेष

    ‘नेपाली खाना विश्वभर पस्किँदैछु’ चर्चित मास्टर सेफ साह

    अन्तर्वार्ता

    हामीसंग फेसबुकमा जोड़िनुहोस