डब्लूएचओले भन्‍यो – कोरोनाभाइरसविरुद्धको ‘प्रभावकारी’ खोप पत्ता नलाग्‍न पनि सक्छ

स्तनपानबाट कोरोना नसर्ने भएकोले बच्चालाई दूध चुसाउन नछोड्न आग्रह

 

 

साउन १९,काठमाडौं । विश्व स्वास्थ्य संगठन (डब्लूचओ) का प्रमुखले कोरोना भाइरसविरुद्धको खोप चाँडै उपलब्ध हुने आश रहे पनि उपयुक्त खोप कहिल्यै पत्ता नलाग्‍ने सम्भावना रहेको बताएका छन् । डब्लूएचओका महानिर्देशक डा. ट्रेडोस अडानोम ग्रेब्रेयेसियसले नियमित प्रेस ब्रिफिङका क्रममा भने, “अहिले कुनै पनि सिल्भर बुलेट छैन, र कहिल्यै नहुन पनि सक्छ ।”

“केही खोपहरु अहिले तेस्रो चरणको मानवीय परीक्षणको चरणमा छन्,” उनले थपे, “र आशा छ कि संक्रमणबाट जोगाउने खोप प्राप्त हुनेछ । तर अहिले नै हामीसँग ‘सिल्भर बुलेट’ छैन र नहुन पनि सक्छ ।” अहिलेका लागि महामारी नियन्त्रणमा लिने उपलब्ध उपाय भनेको परीक्षण, आइसोलेसन र बिरामीको उपचार नै भएको र संक्रमितको सम्पर्कमा आएका व्यक्तिको खोजी गरी क्‍वारेन्टिनमा राखिनुको विकल्प नभएको उनले बताए ।

कोरोना संक्रमित आमाहरुलाई सन्तानलाई दूध चुसाउन नछोड्न पनि आग्रह गरेका छन् । दूधबाट संक्रमण नफैलिने भएकाले स्तनपान जारी राखिनु पर्ने उनले बताएका हुन् । कोरोना भाइरसको उत्पत्ति वा संक्रमणको सुरुवात कहाँबाट भएको हो भन्‍नेबारे चीनमा डब्लूएचओको अगुवाइमा भएको अनुसन्धानको पहिलो चरण सकिएको पनि उनले जानकारी दिएका छन् ।

डब्लूएचओ प्रमुखले विश्वभरका मानिसलाई सामाजिक दूरी, हातको सफाइ तथा मास्क प्रयोग गर्नेसहितका उपायहरु अपनाउन अपिल गरेका छन् । सन् २०१९ को डिसेम्बरमा चीनको वुहानबाट सुरु भएको कोरोना भाइरसको संक्रमणले विश्वभर हालसम्म एक करोड ८० लाखभन्दा बढी मानिस संक्रमित भएका छन् भने ६ लाख ८९ हजारभन्दा बढीको मृत्यु भइसकेको छ । बीबीसी






Related Posts
  • मेचीकाली सामुहिक बचत कोषद्वारा आगलागी पीडित शान्ति राईलाइ रू. ७४ हजार भन्दा बढि सहयोग
  • खोटाङ सेवा समाज यूकेले खोटाङलाई ११ लाखभन्दा बढीको स्वास्थ्य सामग्री उपलव्ध
  • ओखल्ढुङ्गामा स्वास्थ्यकर्मी माथि शिक्षकद्वारा दुव्र्यवहार
  • अन्तर्राष्ट्रिय झापाली समाजद्वारा २३ लाख बराबरको अक्सिजन सिलिण्डर सहित स्वस्थ्य सामग्री सहयोग
  • पछिल्ला सम्प्रेसणहरु

    अमेरिका बस्ने नेपालीले स्वास्थ्य चौकीलाई पठाए स्वास्थ्य सामग्री

    भोजपुरका प्रशन राईको कुवेतमा बिल्डिङबाट खसेर मृत्‍यु

    मेचीकाली सामुहिक बचत कोषद्वारा आगलागी पीडित शान्ति राईलाइ रू. ७४ हजार भन्दा बढि सहयोग

    बिजनेष

    अलमुजैनीको रमादान प्रमोशनमा चौथो चरणको भाग्यशाली विजेताको नामावली सार्वजनिक

    अन्तर्वार्ता

    हामीसंग फेसबुकमा जोड़िनुहोस