अमेरिकी राष्ट्रपति ट्रम्प र उत्तर कोरियाली नेता किमबीच भेटवार्ता हुने

 

 

मार्च ९,केही महीनाअघिसम्म एकअर्काको देशमा आक्रमणको धम्की दिइरहेका अमेरिकी राष्ट्रपति डोनल्ड ट्रम्प र उत्तर कोरियाली नेता किम जोंग उनले भेट वार्ता गर्ने भएका छन् ।

प्राप्त समाचार अनुसार किम जोंग उनले ट्रम्पलाई भेटवार्ताको निम्तो दिएका छन् भने अमेरिकी राष्ट्रपति ट्रम्पले पनि उक्त निम्तो स्वीकार गरेका छन् ।

दक्षिण कोरियाका राष्ट्रिय सुरक्षा सल्लाहकार चुंग–योंगले आगामी मे महीनामा ट्रम्प र किम जोंग–उनबीच भेटवार्ता हुने बताएका छन् । किमले यसअवधिमा परमाणु बम र मिसाइल परीक्षण नगर्ने आश्वासन दिएको पनि चुंगले बताए । ट्रम्पलाई भेट्न ह्वाइट हाउस पुगेका चुंगले सञ्चारकर्मीहरुलाई यस्तो बताएका हुन् ।

यसै साता दक्षिण कोरियाली प्रतिनिधिमंडलसँग उत्तर कोरियाका नेता किमसँग भएको भेटवार्ता भएलगत्तै चुंगको यस्तो प्रतिक्रिया आएको हो ।
“भेटका बेला किम जोंग–उनले परमाणु निरस्त्रीकरणका लागि प्रतिवद्धता देखाएको हामीले राष्ट्रपति ट्रम्पलाई जानकारी गरायौं । जवाबमा उहाँले पनि आगामी मे महीनासम्म किमलाई भेटेर स्थाई परमाणु निरस्त्रीकरण गर्न चाहेको बताउनु भएको छ,” चुंगलाई उद्धृत गर्दै बीबीसीले उल्लेख गरेको छ ।

ट्रम्पले पनि ट्वीट मार्फत अमेरिका र उत्तर कोरियाको पहिलो शिखर सम्मेलनका लागि योजना बनाइरहेको र आफूले किम जोंग उनलाई भेट्न सक्ने उल्लेख गरेका छन् । उनले उक्त भेटपछि कुनै सहमति बन्नु अघिसम्म उत्तर कोरियामाथि लगाइएको प्रतिबन्ध भने जारी नै रहने बताएका छन् ।

मानवअधिकार उल्लंघनको गम्भीर आरोपका कारण दशकौंदेखि उत्तर कोरिया अन्तर्राष्ट्रिय रुपमा एक्लिएको छ । उसको परमाणु कार्यक्रमले गर्दा संयुक्त राष्ट्र सुरक्षा परिषदले उत्तर कोरियामाथि कडा प्रतिबन्ध लगाएको छ ।

अहिलेसम्म कुनै पनि बहालवाला अमेरिकी राष्ट्रपतिले उत्तर कोरियाली नेतासँग भेटवार्ता नगरेको सन्दर्भमा पनि ट्रम्प र किमबीच हुने भनिएको भेटलाई निकै महत्वका साथै हेरिएको छ ।

यो भेटवार्ताको घोषणालाई कतिपयले प्रोपोगांडाको रुपमा पनि हेरेका छन् ।
-एजेन्सी

 






Related Posts
  • मेचीकाली सामुहिक बचत कोषद्वारा आगलागी पीडित शान्ति राईलाइ रू. ७४ हजार भन्दा बढि सहयोग
  • खोटाङ सेवा समाज यूकेले खोटाङलाई ११ लाखभन्दा बढीको स्वास्थ्य सामग्री उपलव्ध
  • ओखल्ढुङ्गामा स्वास्थ्यकर्मी माथि शिक्षकद्वारा दुव्र्यवहार
  • अन्तर्राष्ट्रिय झापाली समाजद्वारा २३ लाख बराबरको अक्सिजन सिलिण्डर सहित स्वस्थ्य सामग्री सहयोग
  • पछिल्ला सम्प्रेसणहरु

    अमेरिका बस्ने नेपालीले स्वास्थ्य चौकीलाई पठाए स्वास्थ्य सामग्री

    भोजपुरका प्रशन राईको कुवेतमा बिल्डिङबाट खसेर मृत्‍यु

    मेचीकाली सामुहिक बचत कोषद्वारा आगलागी पीडित शान्ति राईलाइ रू. ७४ हजार भन्दा बढि सहयोग

    बिजनेष

    अलमुजैनीको रमादान प्रमोशनमा चौथो चरणको भाग्यशाली विजेताको नामावली सार्वजनिक

    अन्तर्वार्ता

    हामीसंग फेसबुकमा जोड़िनुहोस