साउदी अरेबियामा महिला अधिकारकर्मीलाई जेल सजाय

File photo

परदेशी खबर / २९ डिसेम्बर । साउदी अरेबियाका महिला अधिकारकर्मी लुजेन अल हथलोललाई पाँच वर्ष आठ महिनाको जेल सजाय सुनाइएको छ ।

साउदी अरेबियामा महिलाले पनि सवारीसाधन चलाउनुपर्छ भन्ने पक्षमा वकालत गर्ने महिला अधिकारकर्मी मध्येकी एक लुजेन अल हथलोल महिलाको अधिकारको विषयमा आवाज उठाउँदै आएकी थिईन् । २०१८ मा लुजेन र उनका धेरै अन्य सहयोगीहरुलाई साउदी अरेबियासँग शत्रुता राखने संगठनसँग सम्पर्क गरेको आरोपमा हिरासतमा लिइएको थियो र पछिल्लो अढाई वर्षदेखि कडा सुरक्षाको बीच जेलमा रहेकी छिन् ।

अन्तर्राष्ट्रिय मानवअधिकार समुहहरुले उनको रिहाइको माग गर्दै आएका छन् । यद्यपि सोमबार आतंकवादको मामिलामा सुनुवाइको लागि बनाइएको मुलुकको विशेष आपराधिक न्यायालयले लुजेनलाई राष्ट्रिय सुरक्षामा जोखिम उत्पन्न गरेको र विदेशी एजेन्डालाई अघि बढाएकोलगायतका अन्य आरोपमा दोषी ठहर गर्दै सजाय सुनाएको हो ।

लुजेनको परिवारले भने उनीमाथि लागेको सबै आरोप अस्वीकार गरेका छन् । उनीहरुले जेलमा लुजेनलाई यातना दिइएको आरोप पनि लगाएका छन् । परिवारका अनुसार हिरासतमा लिएको तीन महिनासम्म उनलाई परिवारसँग भेट्न दिइएको थिएन । उनलाई बिजुलीको झड्का दिइएको, कोर्रा लगाइएको र उनको यौन शोषण पनि गरिएको परिवारको आरोप छ । लुजेनलाई आफूलाई यातना नदिइएको बताएमा जेलबाट बाहिर निकालिने भन्दै दबाब दिने प्रयास गरेको पनि परिवारको आरोप छ ।

सन् २०१८ मा साउदी अरेबियाले महिलालाई सवारीसाधन चलाउने अधिकार दिएको थियो । तर, त्यसभन्दा केही साता पहिला नै लुजेनलाई पक्राउ गरिएको थियो । यद्यपि साउदी अरेबियाका अधिकारीहरुले भने लुजेनको पक्राउमा उनले उठाएको मुद्दाको कुनै सम्बन्ध नरहेको बताएका छन् ।






Related Posts
  • निरेमको नया म्यूजिक भिडियो “ओठको मुस्कान ” युट्युबमा निरेमको नया म्यूजिक भिडियो “ओठको मुस्कान ” युट्युबमा
  • कुन देशको कस्तो प्रतिक्रिया बाइडेनको सपथपछि?
  • नेपालमा ‘कोभिसिल्डु’ कोभिडको खोप प्रयोग गर्न अनुमति दियो सरकारले
  • नेपाल–भारत पेट्रोलियम पाइपलाइनमा प्वाल पारेर हजारौं लिटर डिजेल चोरी
  • पछिल्ला सम्प्रेसणहरु

    निरेमको नया म्यूजिक भिडियो “ओठको मुस्कान ” युट्युबमा

    कुन देशको कस्तो प्रतिक्रिया बाइडेनको सपथपछि?

    कुवेतमा सरकार विघटन, राजाद्वारा राजीनामा स्वीकृत

    बिजनेष

    सुनको मूल्य नाघ्यो लाख ,तोलाको १ लाख १ हजार ४ सय

    अन्तर्वार्ता

    हामीसंग फेसबुकमा जोड़िनुहोस