कोरियास्थित मुस्ताङ परिवार द्वारा १२० थान न्यानो कपडा सहित दुई लाख त्रिचालिस हजार रुपैंया सहयोग

बोम्जन गुरुङ,
नोभेम्बर२८, दक्षिण कोरिया । मुस्ताङ परिवार दक्षिण कोरियाले गत २४ जनवरी २०२० मा कोरियाको राजधानी सउलस्थित छियोङ्न्याङी सिदेकोरियामा आयोजना गरेको “लोसार डान्स पार्टी” बाट बचत भएको रकमले आफ्नो गृह जिल्ला मुस्ताङ जिल्लाको छुसाङ गाउँ स्थितको श्री जननर्मल आधारभूत विद्यालयमा अध्ययनरत १२० जना विद्यार्थीलाई मुस्ताङ ब्राण्ड हुड (न्यानोकपडा) र लो-छोदुन समाज पोखरा भवनलाई दुई लाख त्रिचालिस हजार रुपैंया आर्थिक सहयोग गरेको छ । मुस्ताङ जिल्लाको दुर्गम भेगमा शिक्षा र स्वास्थ्य क्षेत्रमा सहयोगार्थ “लोसार डान्स पार्टी”को उद्धेश्य अनुरुप सो सहयोग हस्तान्तरण गरिएको हो ।


मुस्ताङको विकट गाउँमा आधारभूत आवश्यकता र सुविधाबाट बञ्चित ती बालबालिकाहरुका लागि सानो सहयोग जुटाउन पाउँदा मुस्ताङ परिवारका अध्यक्ष छिरिङ गुरुङले खुशी व्यक्त गर्दै उक्त उपलब्ध गराइएको रकम मध्ये एक लाख रुपैंया कार्यक्रम मुनाफाबाट र एक लाख त्रिचालिस हजार रुपैंया कोरियामा भवनको लागी कोरियामा सहयोग जुटाइएको धारणा अध्यक्ष गुरुङले स्पष्ट पारे । संस्थाका उपाध्यक्ष पेमा गुरुङ भन्छन्- “महामारी कोरोनाको कारण सहयोग वितरणमा केही ढिलाई भएपनि अन्ततः हाम्रो उद्धेश्य पूरा भएको छ ।” मुस्ताङ परिवारको प्रतिनिधित्व गर्दै सो विद्यालय र समाज भवनका लागि पासाङ गुरुङ र श्याम गुरुङ स्वयं उपस्थित भएर सम्बन्धित व्यक्ति समक्ष उक्त सहयोग उपलब्ध गराएका थिए ।

उक्त “लोसार डान्स पार्टी” को लागी नेपालबाट चर्चित डिजे सुस्मिता महर्जन (DJ NANI) र भर्सटायल गायक विनोद बानियाँ आएका थिए भने कोरियाभरि नै एकछत्र लोकप्रियता कमाईरहेका पुरानो डिजे DJ C Man सहितको प्रस्तुति रहेको थियो । कोरिया स्थित विभिन्न संस्थाहरुसँग समन्वय र सहकार्य गर्दै आइरहेको मुस्ताङ परिवारले यस भन्दा अघि राजु लामाको “मंगोलियन हार्ट” कन्सर्ट आयोजना गरेको थियो । “लोसार डान्स पार्टी” कार्यक्रमलाई सफल बनाउन दक्षिण कोरियास्थित विभिन्न संघ-संस्थाहरु, नेपाली दाजुभाई तथा दिदीबहिनीहरु लगायत आर्थिक, भौतिक र नैतिक रुपमा सहयोग सम्पूर्ण महानुभावहरुलाई मुस्ताङ परिवार दक्षिण कोरियाले हार्दिक धन्यवाद व्यक्त गरेको छ ।






Related Posts
  • निरेमको नया म्यूजिक भिडियो “ओठको मुस्कान ” युट्युबमा निरेमको नया म्यूजिक भिडियो “ओठको मुस्कान ” युट्युबमा
  • कुन देशको कस्तो प्रतिक्रिया बाइडेनको सपथपछि?
  • नेपालमा ‘कोभिसिल्डु’ कोभिडको खोप प्रयोग गर्न अनुमति दियो सरकारले
  • नेपाल–भारत पेट्रोलियम पाइपलाइनमा प्वाल पारेर हजारौं लिटर डिजेल चोरी
  • पछिल्ला सम्प्रेसणहरु

    निरेमको नया म्यूजिक भिडियो “ओठको मुस्कान ” युट्युबमा

    कुन देशको कस्तो प्रतिक्रिया बाइडेनको सपथपछि?

    कुवेतमा सरकार विघटन, राजाद्वारा राजीनामा स्वीकृत

    बिजनेष

    सुनको मूल्य नाघ्यो लाख ,तोलाको १ लाख १ हजार ४ सय

    अन्तर्वार्ता

    हामीसंग फेसबुकमा जोड़िनुहोस