१७६ जना नेपालीलाई अमेरिकाबाट देश निकालाको आदेश

वाशिङ्टन, १४ असोज । आर्थिक वर्ष २०२० मा अमेरिकाका अध्यागमन अदालतबाट १७६ जना नेपालीले देश निकालाको आदेश पाएका छन् ।

एक्जुकेटिभ अफिस फर इमिग्रेशन रिभ्युका अनुसार उनीहरु अमेरिकामा रहेका १६ राज्यहरुबाट देशनिकालामा परेका हुन् ।

१७१ जना नेपालीहरुले एसाइलम दाबी गरेका थिए भने ५ जनालाई भने आपराधिक पृष्ठभूमिका कारण देश निकालाको आदेश दिइएको थियो । देशनिकालाको आदेश पाउनेहरु न्यूयोर्कमा सबैभन्दा धेरै ७७ जना छन् ।

न्यूयोर्क सिटीको अदालतबाट ५३ जना, ब्रोडवेबाट ८ जना र भेरिक स्ट्रीटबाट ७ जनालाई देशनिकालाको आदेश दिइएको हो । न्यूयोर्कपछि क्यालिफोर्नियाबाट २२, टेक्सासबाट १६, लुजियानाबाट १२, मिनिसोटाबाट ११, जर्जियाबाट ११, भर्जिनियामा ६ जनालाई नेपालीहरुलाई देशनिकालाको आदेश दिइएको छ ।

त्यस्तै मेरिल्याण्डमा ५, मासाचुसेट्समा ५, न्यु मेक्सिकोमा ३, कोलोराडोमा ३, वासिंटनमा १, न्यूजर्सीमा १, पेन्सिलभेनियामा १, फ्लोरिडामा १ र इलिनोयमा १ जना नेपालीलाई देश निकालाको आदेश दिइएको छ ।

गत आर्थिक वर्ष २०१९ मा ३७१ जना नेपालीहरुले अध्यागमन अदालतबाट देशनिकालकाको आदेश पाएका थिए । गत वर्षको तुलनामा यो बर्ष अदालतबाट देश निकालाको आदेश पाउने नेपालीहरु कम रहेका छन् ।

यद्यपी कोरोनाको महामारीपछि मार्चको तेश्रो सातादेखि कोरोनाको महामारीका कारण अदालतमा हिरासतमा हुनेहरुबाहेक अन्यका सुनुवाईहरु स्थगित भएका छन् ।

अमेरिकाको इतिहासमा नै नेपालीहरुले सबैभन्दा धेरै आर्थिक बर्ष २०१९ मा अदालतबाट देश निकालाको आदेश पाएका थिए । सन् २०१८ मा २३२ जना र सन् २०१७ मा १४९ जना नेपालीहरुले अमेरिकाबाट देशनिकालाको आदेश पाएका थिए ।

सन् २०१५ मा नेपालीहरुले टीपीएस पाएपछि आर्थिक वर्ष सन् २०१६ मा देश निकालाको आदेश पाउने नेपालीहरु निकै कम रहेका थिए । त्यतीबेला जम्मा १२१ जना नेपालीहरुले देश निकालाको आदेश पाएका थिए । एजेन्सी






Related Posts
  • एक वर्षपछि सार्वजनिक भयो तेह्रौँ सागको खर्च विवरण
  • कुवेतमा कार्यरत महिलाहरुले देउसीभैलो खेलेर उठेको रकम सियोनाको लागि सहयोग गरे
  • कोरियास्थित मुस्ताङ परिवार द्वारा १२० थान न्यानो कपडा सहित दुई लाख त्रिचालिस हजार रुपैंया सहयोग
  • रामप्रसाद राई गाउँपालिका वडा नम्बर ७ मा जसपा नेपालको समायोजन सम्पन्न, दर्जनौ नेकपा र कांग्रेस परित्याग गरि जसपा प्रवेश
  • पछिल्ला सम्प्रेसणहरु

    एक वर्षपछि सार्वजनिक भयो तेह्रौँ सागको खर्च विवरण

    कुवेतमा एक नेपाली महिलाद्वारा आत्महत्या

    कतारले दिने ३ वटा मर्सिडिज कार लिने मन्त्रिपरिषदको निर्णय

    बिजनेष

    सुनको मूल्य नाघ्यो लाख ,तोलाको १ लाख १ हजार ४ सय

    अन्तर्वार्ता

    हामीसंग फेसबुकमा जोड़िनुहोस