चीन तर्फका सबै सीमा स्तम्भ पहिचान गर्न सफल

 

साउन २०, काठमाडौं । उत्तरी चीन सँगको सिमाना हिल्सा नाकामा स्थापना भएको सीमा सुरक्षा चौकी (बीओपी) हुम्ला खण्डअन्तर्गत सबै सीमा स्तम्भ पहिचान गर्न सफल भएको छ ।
सीमा सुरक्षालाई पहिलो प्राथमिकतामा राखेर स्थापना भएको चौकीले एक महिनामा सबै सीमा स्तम्भ पहिचान गर्न सफल भएको हो । चौकी स्थापना भएको छोटो अवधिमा तिब्बततर्फ मरुभूमि खण्डमा सीमा स्तम्भ पहिचान गर्ने कार्य सम्पन्न गर्न टोली सफल भएको प्रमुख जिल्ला अधिकारी चिरञ्जीवी गिरीले बताउनुभयो ।
गत असार ६ गते हुम्लाको हिल्सामा सीमा सुरक्षा चौकी स्थापना भएको थियो । चौकी स्थापना भएदेखि दैनिक रूपमा सशस्त्र प्रहरी र नेपाल प्रहरीले पहिलो पटक सीमामा गस्ती सुरु गरेको थियो । हाल सबै स्तम्भ पहिचान गर्ने कार्य भएको उहाँले बताउनुभयो ।
नेपाल र चीनको सीमाअन्तर्गत हुम्ला खण्डको २६२ दशमलव तीन किलोमिटर क्षेत्रमा कुल १५ वटा सीमा स्तम्भ रहेको बताउँदै प्रजिअ गिरीले पिल्लर नम्बर ११ मात्र नभेटिएको र अन्य सबैको पहिचान भएको बताउनुभयो । कुल सीमा स्तम्भमध्ये १० वटा मुख्य र पाँचवटा सहायक पिल्लर हुम्ला खण्डमा छन् ।
चीनको स्वशासित क्षेत्र तिब्बतसँगको पठार क्षेत्र भएका कारण सीमा सुरक्षा चौकीलाई स्तम्भ पहिचान गर्न निकै कठिन भए पनि त्यसमा सफलता मिलेको उहाँले बताउनुभयो । पत्ता नलागेको एउटाबाहेक अन्य सबै सीमा स्तम्भको अवस्था मिश्रित रहेको सशस्त्र प्रहरी बल ४४ नम्बर गुल्मका सशस्त्र प्रहरी नायब उपरीक्षक मोहन विष्टले बताउनुभयो । केही पिल्लर ढलेका र केहीको अवस्था राम्रो छ । पिल्लर ढले पनि सीमामा कतै तलमाथि भएको छैन । हुम्लामा पर्ने सबै सीमा स्तम्भको अवस्थाबारे कार्ययोजना निर्माण गर्न सीमा सुरक्षा चौकी हिल्साका इन्चार्ज तथा सशस्त्र प्रहरी निरीक्षक सुरज केसीको टोली लागेको छ ।
प्रजिअ गिरीले दुई महिनाभित्र टोलीले कार्ययोजना तयार गरिसक्ने र त्यसपछि सीमा स्तम्भबारे के गर्ने भन्ने निर्णय हुने बताउनुभयो । सुरक्षा टोलीले पश्चिमको दार्चुला तर्फको क्षेत्र किटसम्म र पूर्वको लिमीतर्फ दैनिक गस्ती गरिरहेको छ । पश्चिम क्षेत्रतर्फ नेपाली भूभागमा जान चीनको बाटो प्रयोग गर्नुपर्ने र नाका प्रयोग बन्द भएका कारण हुम्ला खण्डका केही क्षेत्रमा भने गस्ती टोली जान सकेको छैन ।
अब चाँडै प्रजिअ गिरी नेतृत्वको टोली हिल्सा र चीन सँगको सीमामा रहेको लाप्चा क्षेत्रमा जाने तयारीमा छ । चालू आर्थिक वर्षको सरकारी कार्यक्रममा चीन सँगको अर्को सीमा लाप्चामा बीओपी स्थापना गर्ने तयारी छ । गोरखापत्रबाट ।






Related Posts
  • युएईमा कोभिड – १९ को नयाँ संक्रमित ६४० र संक्रमित संख्या ७९,४८९ पुग्यो 
  • युएईमा कोभिड – १९ को नयाँ संक्रमित १,००७ र संक्रमित संख्या ७८,८४९ र १ जनाको मृत्यु
  • हङकङमा संकलित तिन लाख खोरामुख पहिरो पिडितलाई हस्तान्तरण
  • अल्झियो जिन्दगी तिम्रो यादमा..✍️
  • पछिल्ला सम्प्रेसणहरु

    भलिबल खेलाडी ओम प्रकाश परियारलाई नेपाल कोरिया भलिबल संघको पहलमा उपचार्थ असी हजार रुपैंया सहयोग

    २४ घण्टामा देशभर १ हजार ३५६ संक्रमित थपिए

    खाडी मुलुकबाट नियमित अन्तर्राष्ट्रिय उडान हुने

    बिजनेष

    सुनको मूल्य नाघ्यो लाख ,तोलाको १ लाख १ हजार ४ सय

    अन्तर्वार्ता

    हामीसंग फेसबुकमा जोड़िनुहोस