नेपाली भूमिमा पनि तारबार नगर्न एसएसबीको धम्की


साउन ९, कन्चनपुर / भारतीय सीमा सुरक्षा बल (एसएसबी)ले नेपाली भूमिमा समेत तारबार नगर्न धम्की दिएको छ । भीमदत्त नगरपालिका–९ ब्रम्हदेबको सिद्धनाथ सामुदायिक वनले सार्वजनिक जमिन संरक्षण तथा पर्यावरण संरक्षणका लागि तारबार गरेकोमा एसएसबीले अनावश्यक निहुुँ खोज्दै रोक्न धम्की दिएको सिद्धनाथ सामुदायिक वनका सहसचिव रमेश धानुकले बताए ।

सामुदायिक वनले खाली रहेको वनकै क्षेत्रको सार्वजनिक जमिन संरक्षण गरी वृक्षारोपण कार्यक्रम थालेको छ । तर, भारतीय एसएसबीले अनावश्यक विवाद झिक्दै आएको छ । ‘हाम्रै नेपाली भूमि हो, वर्षौँदेखि बाँझो थियो,’ धानुकले भने, ‘अहिले त्यो सफाइ गरेर चारैतिर घेरबार गरेर वृक्षारोपणको कार्यक्रम अघि बढाउने क्रममा भारतीय एसएसबीबाट धम्की आइरहेको छ ।’

एसएसबीले काम भइरहेका वेला आएर विवादित जमिन भन्दै अवरोध गरिरहेको उनले बताए । एसएबसीले ब्रम्हदेव क्षेत्रमा जहिले पनि अनावश्यक अवरोध र हस्तक्षेप गर्दै आएको छ । दुई वर्षअघि पनि ब्रम्हदेव क्षेत्रमा सडक बनाउँदा र तीनजना मुक्त हलिया परिवारले घर बनाउँदासमेत एसएसबीले अवरोध गरेको थियो ।

आफ्नै भूमिको संरक्षण गर्दा भारतीय पक्षबाट अवरोध भएपछि स्थानीयले भारतको विरोध गरेका छन् । भीमदत्त नगरपालिका–९ का वडाध्यक्ष राम नाथले पटकपटक भारतीय पक्षले ब्रम्हदेवस्थित नेपाली भूमिमा हस्तक्षेप र अवरोध कार्य गर्दै आएको भन्दै सो कार्य निन्दनीय भएको बताए । ‘भारतले दशगजामा धमाधम संरचना बनाउँछ,’ उनले भने, ‘हामीले आफ्नै भूमिमा संरचना बनाउँदा अनावश्यक विवाद गर्छ ।’ भारतीय पक्षको सो कार्य नेपालमाथिको ठाडो हस्तक्षेप भएको उनले बताए ।

कञ्चनपुरको सीमा सुरक्षाको जिम्मा पाएको सशस्त्र प्रहरी बलले ब्रम्हदेवमा देखिएको समस्या समाधानका लागि पहल भइरहेको बताएको छ । सशस्त्र प्रहरी बल ३५ नम्बर गणका गणपति वीरसिंह साहुले ब्रम्हदेवको समस्या समाधानका लागि भारतीय पक्षबाट समन्वय भइरहेको बताए । नया पत्रिकामा समाचार रहेको छ।






Related Posts
  • आदिवासी जनजाती महासंघ कुवेतले २६औं विश्व आदिवासी दिवस अगष्ट ७ तारिख मनाउने
  • सुनको मूल्य नाघ्यो लाख ,तोलाको १ लाख १ हजार ४ सय
  • पाकिस्तानले जारी गर्‍यो जम्मु काश्मीरलाई समेटेर नयाँ नक्सा, भारतले भन्‍यो – वैधता छैन
  • लेबनानको बेरुतमा शक्तिशाली विस्फोट : कम्तीमा ७८ जनाको मृत्यु, करिब ४ हजार घाइते
  • पछिल्ला सम्प्रेसणहरु

    कुवेतमा कोरोना संक्रमनबाट ७० हजार ४५ सङ्क्रमित, ६२० नयाँ संक्रमित, एक जनाको मृत्‍यु (अपडेट)

    प्रचण्डसहित परिवारका सबै सदस्यको कोरोना रिपोर्ट नेगेटिभ

    सुनको मूल्य तोलाको एक लाख दुई हजार पाँच सय

    बिजनेष

    सुनको मूल्य नाघ्यो लाख ,तोलाको १ लाख १ हजार ४ सय

    अन्तर्वार्ता

    हामीसंग फेसबुकमा जोड़िनुहोस