५० लाख पुग्यो कोरोना भाइरसबाट संक्रमित हुनेको संख्या ,१९ लाख निको भए

काठमाडौँ , ८ जेष्ठ — कोरोना भाइरसबाट विश्वभर संक्रमित हुनेको संख्या ५० लाख पुगेको छ । जोन्स होप्किन्स विश्वविद्यालयको कोरोना भाइरस रिसोर्स सेन्टरका अनुसार बिहीबार बिहानसम्म विश्वभर कोरोना भाइरसबाट संक्रमित हुनेको संख्या ५० लाख ५ सय ६१ पुगेको छ ।

त्यस्तै ३ लाख २८ हजार १ सय ९१ जनाको मृत्यु भएको छ । त्यस्तै संक्रमण पुष्टि भएकाहरुमध्ये करिब १९ लाख निको भएका छन् ।

पछिल्लो २४ घण्टामा मात्रै विश्वभर एक लाख भन्दा बढी संक्रमित भएको विश्व स्वास्थ्य संगठन(डब्लूएचओ)ले बताएको छ । डिसेम्बरमा चीनको वुहानमा पहिलो पटक संक्रमण देखिएयता एकैदिन सबैभन्दा बढीमा संक्रमण देखिएको डब्लूएचओले जनाएको छ ।

कोरोना भाइरसको संक्रमणबाट सबैभन्दा बढी अमेरिका प्रताडित भएको छ । बिहीबार बिहानसम्म अमेरिकामा १५ लाख ५१ हजारभन्दा बढीमा संक्रमण देखिएको छ । त्यस्तै अमेरिकामा ९३ हजार ४ सय ३९ जनाको संक्रमणबाट मृत्यु भएको छ । संक्रमण पुष्टि भएकामध्ये अमेरिकामा करिब २ लाख ९५ हजार निको भएका छन् ।

अमेरिकापछि सबैभन्दा बढी संक्रमण रुसमा देखिएको छ । रुसमा अहिलेसम्म करिब ३ लाख ८ हजारमा संक्रमण देखिएको छ । संक्रमणको हिसाबले रुस दोस्रो स्थानमा रहे पनि मृत्यु भने कम भएको छ । रुसमा अहिलेसम्म २ हजार ९ सय ७२ जनाको मृत्यु भएको छ भने करिब ८५ हजार निको भएका छन् ।

त्यस्तै ब्राजिलमा कोरोना भाइरसबाट संक्रमित हुनेको संख्या २ लाख ९१ हजारभन्दा बढी पुगेको छ । ब्राजिलमा अहिलेसम्म १८ हजार ८ सय ५९ जनाको मृत्यु भएको छ भने करिब १ लाख १६ हजार निको भएका छन् । अमेरिकापछि सबैभन्दा बढी बेलायतमा ३५ हजार ७ सय ८६ जनाको मृत्यु भएको छ । बेलायतमा संक्रमितको संख्या करिब २ लाख ५० हजार रहेको छ ।

त्यस्तै छिमेकी मुलुक भारतमा पनि कोरोना संक्रण तीव्र रुपमा फैलिरहेको छ । बिहीबार बिहानसम्म भारतमा करिब १ लाख १२ हजार जनामा संक्रमण देखिएको छ । भारतमा अहिलेसम्म ३ हजार ४ सय ३८ जनाको कोरोना संक्रमणबाट मृत्यु भएको छ । त्यस्तै संक्रमितमध्ये करिब ४५ हजार निको भएका छन् ।

कोरोना भाइरसको उद्गमस्थल मानिएको चीनमा अहिलेसम्म ८४ हजार ६३ जनामा संक्रमण पुष्टि भएको छ भने ४ हजार ६ सय ३८ जनाको मृत्यु भएको छ । चीनमा संक्रमितमध्ये ७९ हजार ३ सय १० जना निको भएका छन् । चीनमा पछिल्लो समय संक्रमण न्यून भएको छ ।

नेपालमा बिहीबार बिहानसम्म कोरोना भाइरसबाट संक्रमित हुनेको संख्या ४ सय ४४ पुगेको छ । नेपालमा हालसम्म ४५ जना निको भएका छन् भने दुई जनाको मृत्यु भएको छ ।

विश्वव्यापी महामारीको रुप लिएको कोरोना भाइरसको संक्रमणका कारण विश्वका अधिकांश देश लकडाउनमा छन् । दैनिक जीवन र अर्थतन्त्र डामाडोल भइरहेको छ । कोरोना भाइरसविरुद्धको भ्याक्सिन बनाउन विश्वका विभिन्न देशहरु लागिरहे पनि केही प्रारम्भिक सफलता हात पारे पनि अहिलेसम्म ठोस सफलता भने हात परेको छैन ।






Related Posts
  • नेपालगञ्चका पत्रकारलाई नगद सहित सम्मान
  • नवराज विश्वकर्मा लगायतको हत्याप्रकरणको निश्पक्ष छानबिनको माग गर्दै मुलबासी मंगोलहरु सडकमा उत्रिए
  • एनआरएनए युएईले कोभिड -१९ का कारण बिचल्लीमा परेका नेपाली नागरिकहरुलाई निरन्तरतारुपमा राहत बितरण गर्दै
  • युएईमा कोभिड – १९ को नयाँ संक्रमित ६६१, संक्रमित संख्या ३४,५५७ र संक्रमित २ जनाको मृत्यु
  • पछिल्ला सम्प्रेसणहरु

    नेपालगञ्चका पत्रकारलाई नगद सहित सम्मान

    युएईमा कोभिड – १९ को नयाँ संक्रमित ५९६, संक्रमित संख्या ३५,७८८ र संक्रमित ३ जनाको मृत्यु

    दुई हजार ९९ जनामा कोरोना पुष्टि : मंगलबार मात्र २७० जनाको रिपोर्ट पोजिटिभ

    बिजनेष

    आँखी झ्यालबाट लकडाउन

    अन्तर्वार्ता

    हामीसंग फेसबुकमा जोड़िनुहोस