एनआरएनए  कुवेत द्वारा आयोजित अन्तर नेपाली भलिबल प्रतियोगिताको लागि आगामी शुक्रबार टिम दर्ता हुने

परदेशी खबर / फेब्रुअरी १०, कुवेत।गैरआवासीय नेपाली संघ राष्ट्रिय समन्वय परिषद कुवेतले यहि फेब्रुअरी २५ तारिक मंगलबारको दिन कुवेतको मिसरफ स्थित गल्फ युनिभर्सिटीको कभर्ड हलमा सम्पन्न गर्न लागेको अन्तर नेपाली भलिवल प्रतियोगिताको लागि फेब्रुअरी १४ तारिक शुक्रबार टिम दर्ता र फेब्रुअरी २१ तारिक टाइसिट तयार गर्ने भएको छ । टिम दर्ता र टाइसिट तयार गर्ने कार्य माउण्ट एभरेष्ट एम.बि. बमजन गोल्ड कप फुटबल टुर्नामेण्टको खेल मैदान सुकसभा फुटबल ग्राउण्ड फाहाहिलमा हुने एनआरएनका युवा संयाेजक तथा भलिबल प्रतियोगित संयोयक समितिका संयोजक नबराज पराजुलीले परदेशी खबर डटकमलाई बताएका छन्। एनआरएनले कुवेतको राष्ट्रिय दिवस तथा स्वतन्त्रता दिवसको अवसर पारेर यहि २५ फेब्रुअरी २०२० को दिन नेपाली टिमहरूबिच भलिवल प्रतियोगिता गराउन लागेको हो।

टिम दर्ताको लागि २१ केडि शुल्क राखेको एनआरएनले टिम दर्ताको लागि आगामी १४ तारिक शुक्रबार दिउँसो ११ बजेदेखि बेलुकी ५ बजे सम्मको समय तोकेको छ भने भने टाइसिट फेब्रुअरी २१ तारिक शुक्रबार अपरान्ह ४ बजे सार्वजनिक गरिने जनाएको छ ।

भलिबल खेलको अन्तर्राष्ट्रिय नीति नियम, मान्यता र अभ्यासलाइ आत्मसात गर्दै एनआरएन कप अन्तर नेपाली भलिबल प्रतियोगिता गराउन लागिएकोले यस पटकको भलिबल प्रतियोगिता यस अघिका प्रतियोगिताहरू भन्दा स्तरीय र भिन्न हुने कुरा एनआरएनए कुवेतका कार्यवाहक अध्यक्ष हरि लावतीले परदेशी खबर डटकमसँगको कुराकानीमा बताए ।

अन्तर्राष्ट्रिय स्तरमा आफ्नो छुट्टै पहिचान बनाएको एनआरएनएले भलिबल खेललाइ अनुशासित, मर्यादित, स्तरीय र प्रतिस्पर्धी बनाइ आपसी भाइचाराको सम्बन्ध बढाउने माध्यमको रूपमा विकसित गर्नको लागि खेलकुद सम्बन्धि नियमहरू समेत प्रकाशित गरेको छ। भलिबल खेल सम्बन्धि नियमहरू यस प्रकार रहेका छन् ।

१. भलिबल खेलको टिम दर्ता गर्दा सम्पुर्ण खेलाडी तथा टिम म्यानेजरको नाम लिष्ट पेश गर्नु पर्नेछ भने टिम क्यप्टेनको सिभिल आइडी कपी अनिबार्य रूपमा पेश गर्नु पर्नेछ।
२. खेलकुदको टिममा नेपाली बाहेक अन्य राष्ट्रको खेलाडीलाइ समावेश गर्न पाइने छैन।
३. एउटा टिम भित्र खेलाडी ६ जना, अतिरिक्त खेलाडी ३ जना तथा टिम म्यानेजर गरि जम्मा १० जनाको टिम हुनेछ।
४. भलिबल खेल्ने एक टिमका खेलाडीहरूले एकै किसिमको ड्रेस प्रयोग गर्नु पर्नेछ।
५. खेलाडीहरूले स्वास्थ्यको कारण खेल खेल्न नसकने वा अन्य समस्या भएमा खेल शुरू हुनुभन्दा आधा घण्टा अगाडी जानकारी दिनु पर्नेछ।
६. खेल खेलाउँदा आयोजक कमिटिको निर्णय अनुसार खेलाइनेछ। कुनै किसिमको विवाद सिर्जना भएमा एम्पायर र आयोजक कमिटीको निर्णय सर्वमान्य हुनेछ।
७. खेल खेलाउने एम्पायर र लाइन्सम्यान आयोजक कमिटीले छनाेट गरि राख्नेछ।
८. खेलमा खेलाडीले प्रदर्शन गरेको खेल, अनुसाशन आदि हेरेर मुल्यांकन गरि सोही अनुसार उत्कृष्ट खेलाडीलाइ पुरस्कृत गरिनेछ।
९. खेल मैदानमा कुवेतको कानुनले प्रतिबन्धित गरेको कुनै पनि चिज लैजान सख्त मनाही छ।
१०. भलिबल खेल प्रतियोगिताकाे दाैरान कुनै पनि अनुसाशन विपरितका कृयाकलाप वा गतिविधि गरेको पाइएमा वा आयोजकलाइ नै चुनाैति दिने गरि विवाद सिर्जना गरे गराएमा कुवेतको कानुन अनुसार सम्बन्धित निकायमा पेश गरिनेछ।
स्मरण रहोस, एनआरएनए कुवेतले भिआपी एरियामा कडा सुरक्षाको विच आयोजना गर्न लागेको यो भलिबल प्रतियोगिताका प्रथम, द्वित्तिय र तृतीय हुने विजयी टिमहरूलाइ नगद पुरस्कार, ट्रफी र प्रमाण-पत्र प्रदान गरिने छ भने प्रथम पुरस्कारको राशी १५१ केडी, द्वित्तीय पुरस्कारको राशी १०१ केडी र तृतीय पुरस्कारको राशी ५१ केडि तय गरेको छ । प्रतियोगितामा अनुशासित टिम र उत्कृष्ट खेलाडीलाइ समेत पुरस्कृत गरिने भएको छ ।

प्रतियोगिता सम्बन्धि विवरणः
स्थानः गल्फ युनिभर्सिटीको कभर्ड हल मिसरफ कुवेत।
मितिः २५ फेब्रुअरी २०२० मंगलबार।
समयः बिहान ७ बजे देखि।

विस्तृत जानकारीको लागि सम्पर्क:

१. सुजन केसि (अध्यक्ष) – ९८७२१११२
२. हरि लावती (बरिष्ट उपाध्यक्ष) – ९७२७८३७९
३. दिल पाख्रीन (महासचिव) – ९७५५७३१३
४. नवराज पराजुली (युवा संयोजक) – ५०६१६८९५

 






Related Posts
  • नेपाली समाज युएई द्वारा एक दिने नि:शुल्क स्वास्थ्य परिक्षण सम्पन्न
  • गत हप्ता मुत्ला दुर्घटनामा परेका मृतकहरुको परिवारलाई सम्पर्कमा आउन दुतावासको अनुरोध
  • मोडल राज मल्लको “कुरा” बोलको गितको म्युजिक भिडियो सार्वजनिक
  • लुम्बिनी समाज नेपाल कुवेतले मृगौला पीडितलाइ नेरु. ७० हजार भन्दा बढी आर्थिक सहयोग
  • पछिल्ला सम्प्रेसणहरु

    चीनबाट फर्किएका सबै सकुशल

    तमु समाज युएई द्वारा आयोजित चेलीबेटी भोज (रि-च्हमी स्योकै) कार्यक्रम भव्यरुपमा सम्पन्न

    महरा रिहा, निजीगाडी चढेर खुमलटार लागे

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस