कुवेत लगायत खाडी देशमा नेपाली कामदारलाई सुरक्षित रहन र दुतावासको सम्पर्क रहन आग्रह

काठमाडाैँ, २१ पुष । अमेरिका र इरानबीच तनाव चुलिएपछि नेपालले कुवेत लगायत मध्यपूर्व क्षेत्रमा रहेका नेपाली कामदारलाई सुरक्षित रहन आग्रह गरेको छ ।

खाडीमा तनाव बढ्दै गएपछि परराष्ट्र र श्रम, रोजगार तथा सामाजिक सुरक्षा मन्त्रीबीच भएको छलफलपछि नेपाली कामदारलाई सम्पर्कमा रहनुका साथै सुरक्षित रहन आग्रह गरेको हो ।

खाडी क्षेत्रमा रोजगारीका शिलशिलामा लाखौं नेपाली छन् । सम्बन्धित देशका दूतावासलाई विकसित परिस्थितिबारे बुझ्न र खाडी क्षेत्रमा कार्यरत नेपालीलाई दूतावासको सम्पर्कमा रहन आग्रह गरिएको छ ।

मध्यपूर्वमा युद्ध–सन्त्रास फैलिएसँगै परराष्ट्र मन्त्रालयले खाडी क्षेत्रमा रहेका नेपाली दूतावासहरु र दूतावास नभएका देश हेर्ने निकायलाई त्यहाँ कार्यरत नेपालीसँग सम्पर्कमा रहन पनि निर्देशन दिइएको हाे ।

इरान अमेरिका तनावको कोपभाजनमा फसेको द्वन्द्वग्रस्त इराकमा पनि करिब १५ हजार नेपाली रहेको अनुमान छ । यद्यपि सरकारसँग त्यहाँ रहेका नेपालीहरुको यकीन तथ्यांक छैन ।

इरानमा पनि हजारौं नेपालीहरु रहेको हुनसक्ने अनुमान छ । मध्यपूर्वका देशहरुमध्ये साउदी अरेवियामा करिब चार लाख, कतारमा तीन लाख ५० हजार, युएईमा दुई लाख ५० हजार, कुवेतमा ७० हजार, बहराइनमा २५ हजार, ओमानमा २० हजार, लेबनान र जोर्डनमा क्रमश: १२/१२ हजार तथा इजरायलमा तीन हजार नेपाली छन् । रासस






Related Posts
  • अपडेटः कुवेतमा कोरोनाबाट सङ्क्रमितको संख्या २३५ पुग्यो,डब्लुएचओका अनुसार संक्रमण १९९ देशमा फैलियो
  • कोभिड–१९को कारण नेपाल कुवेत सरोकार समाजको छैटौं वार्षिक उत्सव तथा सांस्कृतिक कार्यक्रम स्थगित
  • covid-9 कोरोनालाई नियन्त्रण गर्न चीन कसरी सफल भयो
  • कल्याणकारी नेपाली यूवा समाज कुवेतद्वारा क्यान्सरबाट निधन भएकी प्रीति गुरुङलाई आर्थिक सहयोग
  • पछिल्ला सम्प्रेसणहरु

    कोरोनाबाट अमेरिकामा ‘दुई लाखको मृत्यु हुनसक्ने’ ट्रम्प कार्यदलका एक अग्रणी विज्ञको चेतावनी

    लकडाउन’मा सरकारको राहत प्याकेज : एक महिनाको घरभाडा मिनाह

    कुवेतमा झापाका जीवन पाठकको निधन

    बिजनेष

    किराया युएई द्वारा राष्ट्रिय आविष्कार केन्द्रलाई आर्थिक सहयोग

    अन्तर्वार्ता

    हामीसंग फेसबुकमा जोड़िनुहोस