ठूला दु:खले घेरिएका छन् जनताका गायक जीवन शर्मा

 

सिमली छायामा बसी भरिया लामो सास फेरेको
उमेर भैसक्यो असी झन् ठूला दुःखले घेरेको

जनगायक जीवन शर्माको कालजयी यो गीत नसुन्ने सायदै कोही नेपाली होलान् । तर, यत्तिखेर यिनै जनताका गायकलाई ‘झन् ठूला दु:खले घेरेको’ देख्नेहरु चाहिँ साह्रै थोरै मात्र भएका छन् ।

हो, जीवनभर क्रान्तिको र परिवर्तनको पक्षमा दु:खी, गरिब र निमुखा किसान, मजदुर र भरियाका गीत गाएर आफू पनि दु:खको जिन्दगी बाँचिरहेका गायक जीवन शर्मा यत्तिखेर ‘ठूला दु:खले घेरिएका’ छन् ।

मध्य दसैँमा गायक शर्माको परिवारमा एउटा भवितव्य भयो, जसको कारण उनका माइला छोरा अमृत आचार्यमाथि घटेको घटनाले शर्मा परिवारमा नसोचेको चोट आइलाग्यो । छोराको उपचारको खर्च आफ्नो औकातभन्दा बाहिरको हुँदा गायक शर्मा अहिले तनावमा छन् ।

नवमीका दिन मासु खानेक्रममा खअमृतको घाँटीमा एक्कासी च्याङ्ग्राको हड्डी अड्कियो । चिनजानका चिकित्सकहरुको सल्लाह अनुरुप घरमै प्राथमिक औषधीमूलो गर्दा समस्या हल नभएपछि गायक शर्मा छोरा अमृतलाई लिएर तेस्रो दिन ग्रिनसिटी अस्पताल पुगे । त्यसपछि वीर अस्पताल । अनि वीरबाट मनमोहन कार्डियो थोरासिक पु-याए ।

मनमोहनका चिकित्सकले घाँटी र आमाशयको बीचको अन्ननलीमा हड्डी अड्किएको, त्यो हड्डीले भोजननलीमा प्वाल पारेको र तुरुन्तै हड्डी ननिकालिए मुटु र फोक्सोमा समेत असर पर्न सक्ने भन्दै तुरुन्त अपरेसन गरे । अपरेसनमा अमृतको अन्न नलीसम्म काट्नु प-यो ।

चिकित्सकहरुका अनुसार अमृतको अन्ननली प्रत्यारोपण गर्न मिल्दैन । आमाशयको थैली काटेर त्यसबाट अन्ननली बनाउनुपर्छ । त्यसका लागि अर्को ठुलो अपरेसन गर्न पर्नेछ र त्यसका लागि ४० लाख रूपैयाँभन्दा बढी खर्च लाग्नेछ ।

अहिलेसम्मको उपचार गायक शर्मा देशविदेशमा आयोजित सांगीतिक कार्यक्रममा सहभागी हुँदा प्राप्त भएका रकम तथा उनका साथीभाइ र आफन्तहरुको सरसहयोगबाट सम्भव भएको छ । तर, अबको उपचारको लागि कसरी रकम जुटाउने ? गायक शर्मा रनभुल्लमा परेका छन् । जीवनभर गरिब किसान-मजदुर र क्रान्तिका पक्षमा गीत गाउँदै हिँडेका गायकका लागि ४० लाख रूपैयाँ जोहो गर्नु चानचुने चुनौतीको कुरो होइन । तैपनि स्वाभिमानले होला, उनी आफ्नो अथाह दुःख मिडियासँग लुकाइरहेका छन् ।

हाम्रा देशका कतिपय नेता तथा दलका कार्यकर्ता राज्यको खर्चमा देशबिदेशका महँगा अस्पतालमा उपचार गराउँछन् । जीवनभर जनताको गीत गाएर क्रान्तिको पक्षमा, परिवर्तनको पक्षमा समर्पित जीवन शर्मा जस्ता जनगायकको पीडामा भने अहिलेसम्म राज्यको ध्यान पुग्न सकेको छैन ।

त्यसैले भोगविलास, सुख-सुविधाको पर्वाह नगरी दु:खी जनताको पक्षमा आफूलाई होमेका गायक शर्मालाई जनस्तरबाट सहयोग गर्नुपर्ने अवस्था सिर्जना भएको छ । दु:खी जनतालाई सधैँ साथ दिएका उनलाई अहिले आइपरेको दु:खबाट पार पाउन, देशबिदेश जहाँ रहेका भए पनि मनकारी सहयोगी हातहरुको खाँचो छ ।

(जनगायक शर्मालाई सहयोगको हात बढाउन चाहनेहरुले उनका दाइको नाममा रहेको निम्न बैंक खातामा सहयोग पठाउन सकिनेछ:
ग्लोबल आइएमई बैंक लिमिटेड
कान्तिपथ शाखा
अर्जुन आचार्य
खाता नं. ०१०७०१००४६७८७
त्यस्तै, गायक जीवन शर्माको दु:खमा मल्हम लगाउन चाहनेले कमल सरगम ९८५१२२४९७० मार्फत सिधा सम्पर्कसमेत गर्न सकिन्छ ।)

रातोपाटी अनलाईन द्वारा प्रकाशित समाचारलाई जनागायाक जीवन शर्माको लागि सहयोग होस् भन्ने उदेश्यले साभार गरिएको हो ।






Related Posts
  • तमु समाज युएईले आउदो जनवरी १० तारिख तमु च्यु ल्होसार भव्यता साथ मनाउदै
  • एनआरएनए कुवेतले इराकमा १४ वर्षदेखि अलपत्र परेकी एक नेपाली महिलाको उद्धार
  • नेपाल आदिवासी जनजाती महासंघ युएई द्वारा Learning & People Development तालिम सम्पन्न
  • काभ्रे कल्याणकारी कोष स्थापनार्थ बृहत सांस्कृतिक कार्यक्रम गर्दै
  • पछिल्ला सम्प्रेसणहरु

    तमु समाज युएईले आउदो जनवरी १० तारिख तमु च्यु ल्होसार भव्यता साथ मनाउदै

    अञ्जु थोकरको ‘सुन सुन साथी’ सार्वजनिक ( भिडियो सहित )

    एनआरएनए कुवेतले इराकमा १४ वर्षदेखि अलपत्र परेकी एक नेपाली महिलाको उद्धार

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस