कुवेतबाट मात्रै १३३ जनाको जम्बो टोली एनआरएनएको नौं विश्व सम्मेलनमा सहभागी हुने

परदेशी खबर/ अक्टोबर ५,कुवेत । NRNA/NCC कुवेतले NRNA/NCC कुवेतको इतिहासमै पहिलो पटक १३३ जनाले एनआरएनएको नवौँ विश्व सम्मेलनमा सहभागी हुने भएको छ।

एनआरएनएको नवौँ विश्व सम्मेलन यहि अक्टोबर १५-१७ का लागि एनसिसि कुवेतले १३३ जना सदस्यहरुलाइ भोटिङका लागि दर्ता गराएका छन। जसमध्य आधा भन्दा धेरै काठमाडौ प्रस्थान गरिसके भने केही अबको केही दिनभित्र प्रस्थान गरिसक्नेछन।

एनआरएनए कुवेतको छैटौं अधिवेशनबाट कुवेतका नेपाली समाजले अपेक्षा गरे अनुरुपको समुह टिम निर्माण भए पछि कुवेतका समाज र अन्य देशहरुका नेपालिहरुले कुवेतलाइ केहि फरक कोणबाट हेर्न थालिएको धेरैले बताउने गरेको पाइन्छ। यद्यपि विश्व सम्मेलनको पुर्व सन्ध्यामा आइसिसिका उम्मेदवारीहरुको कुवेत आवतजावतले पनि प्रस्ट्याइरहेकै छ।

एनसिसि कुवेतको टिम राम्रो र मजबुत बनेको खबर सुन्ने बित्तिकै नवौँ विश्व सम्मेलनका उम्मेदवारीहरु कुवेत आउने क्रम पनि निक्कै बढेको छ। डिआरसिबाट आरसिका लागि प्रत्यासी प्रविण गुरुङ देखि मनोज गोर्खाली, सचिवका प्रत्यासी आर के शर्मा, उपाध्यक्षको प्रत्यासी नरेन्द्र रानाभाट, अध्यक्षको प्रत्यासी कुल आचार्य र कुमार पन्त सम्म कुवेत आइसकेका छन।

मध्यपुर्व र मलेसियाका एनआरएनएलाई भोट बैंकको रुपमा मात्र प्रयोग गर्ने गरेका छन भन्ने एक किसिमको समाजको टिप्पणीलाई भ्रम हो भन्ने प्रमाण दिन यसपाली पनि मध्यपुर्व वा मलेसियाबाट अध्यक्षको प्रत्यासी रहेनन। यद्यपि उपाध्यक्ष, महासचिव, सचिवको लागि भने मध्यपुर्वबाट पनि निक्कै कडाइका साथ उम्मेदवारी घोषणा भएको छ।

उपेन्द्र महतो देखि देवमान हिराचन, जिवा लामिछाने, शेष घले हुँदै भवन भटटा सम्मले नेतृत्व गरिसकेको एन आर एन एको नेतृत्व यसपाली कसको हुन्छ? भन्ने अझै सम्म यसै भन्न सक्ने स्थितिमा छैन। तर अध्यक्षका प्रत्यासिहरु आ आफ्नो भिजन र मिहिनेतका साथ जोड तोडले लागि परेका छन। हिजो मात्र अध्यक्ष प्रत्यासी कुमार पन्तले अब काठमाडौमा विश्व सम्मेलनको नाममा हुने फजुल खर्चको सहि सदुपयोग गर्न प्रविधिको प्रयोग गर्दै घर घरबाटै उम्मेदवारीलाई भोट दिन सक्ने किसिमको वातावरण निर्माणका लागि आफुले निक्कै मिहेनतका साथ लागि परेको बताएका छन। यति धेरै महंगो टिकट काटेर पनि भोट गर्नको लागि घन्टौँ लाइन बस्दा सास्ती त छँदैछ आर्थिक रुपमा पनि धेरै घाटा बेहोरिरहेको कुरालाइ स्पष्टीकरण गर्दै अब हरेक पन्जिकृत सदस्यले घरैबाट भोट दिन पाउने गरि प्रविधिको प्रयोग गर्न एन आर एन एले पहल गर्ने बताएका छन। उनले त्यसरी डेलिगेशन नै जानुपर्दा उम्मेदवारी र भोट फि बाहेक पनि विभिन्न बिसयमा बार्गेनिङ गर्दै ठूलो पैसाको चलखेल र राजनितिकरण हुने भएकोले एन आर एन ए को महत्त्व र उदेश्यलाई नै धराप पार्दै गैरहेकोले यस्तो प्रवृत्तिको अन्त्य गर्ने बाटो खोज्नुपर्ने र यो कार्य एनआरएनएको लागि निक्कै चुनौतीपूर्ण रहेको बताए। उनले अहिले एन आर एन ए राजनिती गर्ने थलो जस्तै भैसकेको भन्दै दुख ब्यक्त गरे। उनले भने “एन आर एन ए मा राजनिती गर्ने भए त्यहाँ एन आर एन ए को अस्तित्व रहँदैन।” साथै उनले एन आर एन ए लाई साँच्चिकै एन आर एन ए बनाउन र कांग्रेस, नेकपा वा कुनै जाती, समुदायका लागि एनआरएनए नभई नेपालिका लागि नेपाली बनाउने उनको महान अभियानमा साथ दिन विश्वभैरिका सबै एनआरएनए लाई आव्हान गरेका छन।

दिलकुमार पाख्रिन आरडी क्रियसन बाट






Related Posts
  • कश्मीरमा गोलाबारी चल्दा दुई भारतीय सैनिकको मृत्यु
  • अनुदानबाट डेढ लाख भूकम्पपीडित फेरि  हट्दै अनुदानबाट डेढ लाख भूकम्पपीडित फेरि हट्दै
  • मन्त्रीको विदेश भ्रमण मोह : मन्त्रालयका काम प्रभावित
  • नेपाल स्काउटको जग्गा निजी कम्पनीको कब्जामा : पदाधिकारीकै संलग्नतामा १६ रोपनी जग्गा अतिक्रमण
  • पछिल्ला सम्प्रेसणहरु

    कश्मीरमा गोलाबारी चल्दा दुई भारतीय सैनिकको मृत्यु

    अनुदानबाट डेढ लाख भूकम्पपीडित फेरि हट्दै

    मन्त्रीको विदेश भ्रमण मोह : मन्त्रालयका काम प्रभावित

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस