२८९ पाठक संख्या
परदेशी खबर / अगष्ट ३१, कुवेतl सन २०२२ मा कतारमा आयोजना हुने विश्वकप फुटबल छनौट चरणको खेलको लागि नेपालको राष्ट्रिय फुटबल टिम भोली १ सेप्टेम्बर २०१९ को दिन बजे कुवेत आइपुग्ने भएको छ ।
नेपाली राष्ट्रिय फुटबल टोली फ्लाइ दुबइको उडानबाट भोली दिउसोको २:२० कुवेत अवतरण हुने भएकोले सम्पुर्ण कुवेतमा कृयाशिल संघ-सँस्था, समाजसेवी, वुद्धिजीवि, पत्रकार, खेलाडी, कलाकार लगायत कुवेतमा कार्यरत सम्पुर्ण नेपाली दाजुभाइ तथा दिदीबहिनीहरूलाइ राष्ट्रिय खेलाडीहरूको टोलीलाइ स्वागत गर्न कुवेतको सुभान स्थित सेख साद विमानस्थल टर्मिनल ३ मा उपस्थित भैदिनुहुन गैरआवसिय नेपाली संघ राष्ट्रीय समन्वय परिषद (NRNA-NCC) कुवेतले सबैमा हार्दिक अनुरोध छ ।
नेपाली टिमले आगामी सेप्टेम्बर ५ तारिकको दिन विश्वकप फुटबल २०२२ को छनौट पहिलो खेल कुवेतको कैफान स्थित स्पोर्टिङ क्लवमा साँझ ७:४५ बजे कुवेतसँग खेल्ने भएको छ। नेपालले विश्वकप छनौट खेल अन्तर्गत कुवेत, जोर्डन, ताइवान लगायतका मुलुकसँग फुटबल खेल खेल्नेछ र छनाेट चरणमा विजयी भएमा सन २०२२ मा कतारमा आयोजना हुने विश्वकप फुटबल प्रतियोगितामा सहभागिता जनाउन पाउनेछ ।
यसै छनौट खेलसँग सम्बन्धित रहेर गैरआवसीय नेपाली संघ राष्ट्रिय समन्वय परिषद (NRNA-NCC) कुवेतले नेपाली फुटबल टोली र फुटबल एसोसिएशन कुवेत संग समन्वय गरिरहेको छ भने देशको स्वभिमान र गौरव संग जोडिएको नेपाली फुटबल खेलाडीहरुलाई मैदानमा हौसला प्रदान गर्नको लागी धेरै भन्दा धेरै नेपालीहरुलाइ कसरी उपस्थित गराउन सकिन्छ भन्ने विषयमा कुवेतमा क्रियाशिल संघ संस्था,मिडिया साथै समाजका अग्रजहरु,अभियन्ताहरुसँग हिँजो एक विशेष छलफल पनि सम्पन्न गरेको छ । खेल हेर्न जाने नेपाली दर्शकहरूको सुविधालाइ ध्यानमा राखी मालियाबाट खेल मैदान सम्मको लागि यातायातको ब्यवस्था गर्ने जनाउँदै नेपालको गौरवसंग जोडिएको यो खेलकुदमा जति सक्दो धेरै नेपालीहरूको उपस्थितिको लागि कुवेतमा कृयाशिल संघ-संस्था तथा अभियन्ताहरूले ऐक्यवद्धता जनाएका छन् l
