आगामी सेप्टेम्बर ५ मा हुने विश्वकप छनोटको नेपाल र कुवेतविचको खेल हुने स्थान परिवर्तन


परदेशी खबर र अगष्ट २७, कुवेतl  फिफा बिश्वकप सन् २०२२ को दोस्रो चरणको एशियाली छनौट तर्फ नेपाल कुवेतबीच पहिलो खेल सेप्टेम्बर ५ तारिख विहीवार बेलुका ७:४५ बजेबाट कुवेतको शेख जाबेर अहमद स्टुडियममा हुने भनिएको खेलको मैदान परिवर्तन भएको छ l उक्त खेल सोहि दिन र सोहि समयमा नै कुवेत सिटि नजिकै कैफानमा रहेको “कुवेत सपोर्ट क्लब “को मैदानमा हुने भएको छ ।

कुवेतका खेल प्रेमी नेपाली दर्शकहरुको लागि सहुलियतमा प्रवेश शुल्क (टिकट) उपलब्ध गराइदिनको लागि गैर आवासीय नेपाली संघ कुवेत, नेपाली दुतावास र कुवेत फुटबल एसोसिएसन बीच छलफल भैरहेको र शुल्क के कति भन्ने बारेमा छिट्टै जानकारी गराउने एनसीसी कुवेतले विज्ञाप्ति मार्फत जानकारी गराएको छ l

उक्त खेलको लागि २३ जना राष्ट्रिय खेलाडी र १३ जना पदाधिकारीहरु गरि ३६ जनाको टोलि १ सेप्टेम्बरका दिन कुवेत अवतरण हुने जानकारी प्राप्त भएको छ ।
एन्फाका अनुसार नेपालको एकमात्र अन्तराष्ट्रियस्तरको दशरथ रङ्गशालाको पुनःनिर्माण कार्यसम्पन्न नहुँदा नेपालले आफ्नो घरेलु मैदानमा हुने खेल कुवेतकै मैदानमा खेल्न लागेको हो त्यस्तै कुवेतले उसको होम खेल नेपाल र कुवेतबीचको दोस्रो ‘अवे’ खेल भने आगामी मङ्सिर ३ गते दशरथ रङ्गशालामा खेलिने भएको छ ।

विश्वकप छनोटमा नेपाल समूह बी मा रहेको छ । नेपालको समूहमा कुवेत, चाइनिज ताइपे, जोर्डन र अष्ट्रेलिया, रहेका छन् । नेपालले चाइनिज ताइपेसँग अवे खेल भदौ २४ गते खेल्नेछ भने होम खेल चैत १२ गते दशरथ रङ्गशालामा खेल्नेछ। त्यस्तै नेपालले असोज २८ गते जोर्डनसँग उसैको मैदानमा खेल्नेछ भने जोर्डनविरुद्धको होम खेल नेपालले विसं २०७७ जेठ २१ गते दशरथ रङ्गशालामा खेल्ने तय भएको छ साथै नेपालले अष्ट्रेलियासँग असोज २३ गते उसैको मैदानमा खेल्नेछ भने नेपालले अष्ट्रेलियासँग चैत १८ गते दशरथ रङ्गशालामा खेल्नेछ। उक्त प्रतियोगिताका लागि अखिल नेपाल फुटबल संघले यसअघि नै ३१ सदस्यीय प्रारम्भिक टोलीको घोषणा गरेको थियो l

एनआरएनए कुवेतको विज्ञाप्ति 






Related Posts
  • आरक्षण जातीय हुनुपर्छ कि वर्गीय ?
  • नेपालगञ्चका पत्रकारलाई नगद सहित सम्मान
  • नवराज विश्वकर्मा लगायतको हत्याप्रकरणको निश्पक्ष छानबिनको माग गर्दै मुलबासी मंगोलहरु सडकमा उत्रिए
  • एनआरएनए युएईले कोभिड -१९ का कारण बिचल्लीमा परेका नेपाली नागरिकहरुलाई निरन्तरतारुपमा राहत बितरण गर्दै
  • पछिल्ला सम्प्रेसणहरु

    आरक्षण जातीय हुनुपर्छ कि वर्गीय ?

    कुवेतमा कोरोना संक्रमनबाट २९ हजार ३५९ सङ्क्रमित, ७१० नयाँ संक्रमित, चारको जनाको मृत्‍यु (अपडेट)

    थप २०१ जनामा कोरोना पुष्टि : संक्रमितको संख्या २३ सय पुग्यो

    बिजनेष

    आँखी झ्यालबाट लकडाउन

    अन्तर्वार्ता

    हामीसंग फेसबुकमा जोड़िनुहोस