रहेनन् मुसुमुसु हाँसी देऊ लै लै.. गीतका गायक

 

फर्किहेरे मेरो जीवन तमासा जस्तो भो, 

सम्झिहेरे सपना त अधुरै अधुरो।

डर लाग्छ मलाई त यहा विश्वासमा अल्झिन

कर लाग्छ आज मलाई मायालु तिमीलाई बिर्सनु।

द हिमालयन व्याण्डको प्रस्तुतिमा यो गीतमा गायक नोर्देन तेन्जिङ भुटियाले स्वर दिएका हुन्। गीतमा भनेजस्तै उनले अनगिन्ती सपना देखेका थिए होलान्। कति पूरा भए कति अपूरा। आफ्नो जीवन तमासा जस्तै भयो भनेर गीत गाउने भुटिया अब यो संसारमा छैनन्। 

नेपाली संगीतमा फरक स्वादको शैली भित्राउने संगीतकार तथा गायक भुटियाको सोमबार लण्डनमा निधन भएको हो। हिमालयन व्याण्डलाई स्थापना गर्ने संस्थापक गायक भुटिया मुसुमुसु हाँसी देऊ लै लै’, फर्किहेरे जीवन तमासा, गाजलुले आँखा छोप्ने,  कहा तिम्रो मायालुलाई छाडिराख्यौ, चिसो बतासले लगायतका गीतका कारण पनि चर्चित थिए। 

उनको मुसुमुसु हासिदेऊ वोलको गीत अझैसम्म पनि चर्चित छ। यो गीतले उनलाई नेपाली संगीत आकाशमा स्थापित गर्यो। 

सन् १९५० मा भारतको खस्र्याङमा जन्मिएका भुटिया ब्रिटिस आर्मीमा आवद्द थिए। पछिल्लो समय बेलायतमै  रिर्टायड लाइफ बाचिरहेका भुटियालाई केही वर्ष अघि घाटीको क्यान्सर देखिएको थियो। 

नेपाली संगीतमा नयाँ मेलोडिलाई खोज्दै गीतारको प्रयोग पहिलोपटक यो व्याण्डले गरेको थियो। संगीतकार राजु सिंह तेन्जिङ भुटियाको सम्झना गर्दे भन्छन्, भारतमा जन्मिएर पनि नेपाली संगीतमा झुकाव राख्ने भुटिया नेपाली भाषालाई माया गर्थे। संगीतमा फरक खालको मेलोडी र शैली भित्राउने श्रेय उनलाई जान्छ। सायद हिमालयन व्याण्डको स्थापनापछि नै हो नेपाली संगीतमा गीतारको प्रयोग शुरु भएको।’

उनले सन् १९७१ मा ब्रिटिस आर्मीमा प्रवेश गरेका थिए। यसपछि उनले ७३ तीर साथीहरुसँग मिलेर हिमालयन व्याण्डको स्थापना गरेका थिए।  उनी गीतमा शब्द र संगीत पनि आफँ गर्थे। व्याण्ड सञ्चालनका लागि पुराना बाजाहरु किनिका थिए। गीत तयार गर्न अघि उनी मजाले ट्युनमा खेल्ने गर्थे। संगीतकार सिंहका अनुसार नयाँ शैलीको मेलोडी र ट्युन सिर्जना गर्न उनी मन पराउथे। यो खबर अन्नपूर्ण पोस्टले प्रकाशित गरेको छ ।  

  






Related Posts
  • नेपाली दूतावास कुवेतद्वारा भिजिट नेपाल २०२० सफल पार्नको लागि छलफल कार्यक्रम सम्पन्न
  • कुन्साङ वाईबाको डम्फु ह्राप्सी गितको भिडियो सार्वजनिक (भिडियो सहित)
  • कुलमान घिसिङलाई ‘नास्ट प्रविधि पुरस्कार’
  • प्रकाशको ‘स्याउ स्याउ नाना’ सार्वजनिक (भिडियो सहित)
  • पछिल्ला सम्प्रेसणहरु

    नेपाली दूतावास कुवेतद्वारा भिजिट नेपाल २०२० सफल पार्नको लागि छलफल कार्यक्रम सम्पन्न

    कुन्साङ वाईबाको डम्फु ह्राप्सी गितको भिडियो सार्वजनिक (भिडियो सहित)

    कुवेतमा किरातीहरुले आगामि डिसेम्बर १३ मा मनाउने महान चाड उधौली कार्यक्रमको सम्पुर्ण तयारि पुरा

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस