अमेरिकी सैनिक अफगानिस्तानबाट फिर्ता गर्ने सम्झौता हुन लाग्दै

काठमाडौं, १७ साउन । ट्रम्प प्रशासनले अफगानिस्तानबाट हजारौं अमेरिकी सैनिकहरू फिर्ता बोलाउने तयारी गरेको छ । १८ वर्षसम्म चलेको द्वन्द्व अन्त्य गर्नका लागि तालिबानसँग शान्ति सम्झौता गर्नका लागि सैन्यफिर्ती गरिन लागेको हो ।

सैन्यफिर्तीको बदलामा ह्वाइट हाउसले तालिबानबाट धेरै किसिमका अपेक्षा गरेको छ । युद्धविराम गर्नुपर्ने अनि अलकायदालाई त्याग्नुपर्ने शर्त अमेरिकाले तालिबानसमक्ष राखेको अमेरिकी अधिकारीहरूले बताए ।

शान्ति सम्झौता अनुसार, उक्त क्षेत्रमा रहेका अमेरिकी सैनिकको संख्या १४ हजारबाट घटाएर आठ वा नौ हजारमा झारिनेछ ।

ह्वाइट हाउसका अधिकारीहरूले तालिबानसँग आठ चरणको वार्ता गरिसकेका छन् । वार्ताको नेतृत्व अफगानिस्तानमा जन्मेका कूटनीतिक प्रतिनिधि जाल्मे खलिलजादले गरेका छन् ।

खलिलजादले गरेको भविष्यवाणी अनुसार, तालिबानसँग अर्को चरणको वार्तामा प्रारम्भिक शान्ति सम्झौता गरिने सम्भावना छ । यसै सातामा कतारमा अर्को चरणको वार्ता हुँदैछ ।

सेप्टेम्बर महिनामा हुने अफगानी राष्ट्रपतीय चुनावअघि सबै कुरालाई अन्तिम रूप दिने आशा खलिलजादले गरेका छन् । तर सैन्य फिर्तीअघि ठूला चुनौतीहरू कायमै रहेको उनले चेतावनी दिए ।

तालिबानका प्रवक्ता जबिउल्लाह मुजाहिदले सम्झौतालाई अन्तिम रूप दिने काम सम्पन्न हुने विषयमा टिप्पणी गर्न अस्वीकार गरे तर शान्ति प्राप्त हुने विषयमा आशावादी रहेको बताए ।

एजेन्सी






Related Posts
  • पोखरा र लमजुङमा पहिरो जाँदा ७ जनाको मृत्यु, ९ जना घाइते
  • खुल्यो छोटो दूरीको सार्वजनिक यातायात
  • नेपालमा भारतीय न्युज च्यानलहरू बन्द
  • मोरङका एक नेपालीको कोरियामा सुतेकै अवस्थामा मृत भेटिए
  • पछिल्ला सम्प्रेसणहरु

    तमु धीं युकेद्वारा जिफान र तमु कलाकार संघ गण्डकीलाई २ लाख ५० हजार रकम सहयोग

    कुवेतमा कोरोना संक्रमनबाट ५३ हजार ५८० सङ्क्रमित, ७४० नयाँ संक्रमित, एक जनाको मृत्‍यु (अपडेट)

    थप ११८जनामा कोरोना पुष्टि : संक्रमितको संख्या १६ हजार ६४९ पुग्यो

    बिजनेष

    आँखी झ्यालबाट लकडाउन

    अन्तर्वार्ता

    हामीसंग फेसबुकमा जोड़िनुहोस