संविधान संशोधनको पहल थाल्न संघीय समाजवादी फोरमले २१ शुत्रिय स्मरणपत्र प्रधानमन्त्रीलाई बुझायो

काठमाडौ, २१ पौष |संघीय समाजवादी फोरमले जारी संसदको अधिवेशनमै संविधान संसोधनको प्रस्ताव ल्याउन माग गर्दै  २१ शुत्रिय स्मरणपत्र प्रधानमन्त्रीलाई बुझाएको छ। सत्तासाझेदार फोरमले आज प्रधानमन्त्री निवास बालुवाटारमा प्रमुख सत्तारुढ दल नेपाल कम्युनिष्ट पार्टीका शिर्ष  नेताहरुलाई भेटेर स्मरणपत्र बुझाएको हो  ।

संघीयता, लोकतन्त्र, गणतन्त्र, समानुपातिक समावेशीकरणलगायत राजनीतिक उपलब्धिहरुलाई संस्थागत गर्न र राष्ट्रिय समस्यालाई हल गर्ने गरी संविधान संशोधनका लागि आवश्यक गृहकार्य थाल्न आग्रह गरेको हो।
बैठकमा नेकपाका अध्यक्ष तथा प्रधानमन्त्री केपी शर्मा ओली, अर्का अध्यक्ष पुष्पकमल दाहाल, गृहमन्त्री रामबहादुर थापा नेकपा सचिव विष्णु पौड्याल सहभागी थिए। त्यस्तै फोरमका तर्फबाट पार्टी अध्यक्ष एव उपप्रधान तथा स्वास्थ्यमन्त्री उपेन्द्र यादव वरिष्ठ नेता असोक राईलगायतका नेता सहभागी थिए।

बैठकमा फोरमले मधेश÷थरुहट आन्दोलनमा संलग्न भएको अभियोग लागेका नेता कार्यकर्ताको मुद्दाहरु फिर्ता गर्न पनि माग राखेको थियो। त्यस्तै नीतिनिर्माण र त्यसको कार्यान्वयनमा सहयोग पु¥याउने गरी दुबै पार्टीको संयुक्त कार्यदल बनाउन पनि माग राखिएको थियो।

बैठकमा फोरम नेताहरुले विभिन्न आयोगको गठनमा सरकारले ढिलाई गरिरहेको भन्दै नेकपाको आलोचना गरेका थिए। समावेशीतालाई ध्यानमा राखी आपसी परामर्श र समझदारीका आधारमा नियुक्ति प्रकृया तत्काल सुरु गर्नु पर्ने भनाइ राखेको फोरम महासचिव रामसहायप्रसाद यादबले जानकारी दिए। फोरमले ११ सुत्रीय स्मरणपत्र प्रधानमन्त्री ओलीलाई बुझाएको हो ।

 






Related Posts
  • एक घरेलु कामदार महिलाको पेटमा भएको बच्चा नजन्मिदै भागबण्डा
  • कुवेतमा तिन किराती संस्थाले संयुक्तरुपमा साकेला उभौली चाड मनाउने
  • साउदीको जेलमा फाँसी कुरिरहेका सन्तबहादुर श्रीमतीलाई चिठीमा लेख्छन्- ‘म यहाँ अल्लाहलाई प्रार्थना गर्छु । तिमी त्यहाँ पशुपतिनाथसँग प्रार्थना गर ’
  • १७औं बमजन गोल्ड कपका पहिलो र क्वार्टर फाईनलका खेलहरु सम्पन्न (फाेटाे फिचरसहित)
  • पछिल्ला सम्प्रेसणहरु

    एक घरेलु कामदार महिलाको पेटमा भएको बच्चा नजन्मिदै भागबण्डा

    जापानले नेपाली कामदार अप्रिल १ बाट लाने विषयमा सोमबार समझदारी हुने

    कुवेतमा तिन किराती संस्थाले संयुक्तरुपमा साकेला उभौली चाड मनाउने

    बिजनेष

    श्रम शोषण अन्त गर्न १२ देश सहमत

    अन्तर्वार्ता

    हामीसंग फेसबुकमा जोड़िनुहोस