शुभ-चिन्तक — सिमा कार्की समर्पण

सिमा कार्की समर्पण

 

 

शुभ चिन्तक

म प्रति त्यो मनमा घृणा भर
सधैं मलाई अपमान गर्ने गर
तर
थोरै तिम्रो चोट देख्दा खेरी
मेरो बाबा लाई के भो भन्दै
मायाको अाचल फैलाउने
म तिम्रो आमा हु ।

तिमी लाई हुर्काउन
तिमी लाई पढाउन
र सक्षम बनाउन
सधैभरीनै बनी बुतो गरेर मैले
हो चारोले तिम्रो पेट भरेर मैले
दस नङ्ग्रा खियाएर हुर्काउने
तिम्रो एकझल्कमै आफै लुटीने
म तिम्रो आमा हु ।।

तिम्रो रिस ,क्रोधले जलाए पनि
छुद्र बचनका बाण खनाए पनि
तिम्रो पाईला लरखराउदा खेरी
स्तम्भ बनेर सहारा दिई रहने
हरपल ,हरघडी , हरक्षण
म तिम्रो आमा हु।।।

यी लोचनबाट अश्रुधारा बग्दा खेरी
त्यो समीप बाट टाढै नै राख्दा खेरी
तिम्रो ललाटमा अस्पस्टका बादलले छुदा
पहाडै खस्यो कि के हो मेरो रक्तमा
गुन्दै मनले समाधान निकाल्न खोज्ने
म तिम्रो  आमा हु।।।।

“समर्पण”

टेक्ने जमिन नभएनी
लुकाउने शिर नभएनी
मेरी सखी “”समर्पण “””
न आतिनु है तिमी
सक्छौं भने
धर्ती लाई कपास अनि
आकाश लाई बास बनाएर
आउने घुम्ती ,आउने मोडहरुमा
कतै काडा, कतै सिसा भए नि
मखमली फूल सम्झि
पाईला चाल्नु निरन्तर
न आति ,न डगमगाई ,
स्थिर रहनु पृथ्वी झैँ
किन कि तिमी आमा हौं ।

सास भईन्जेल आस भने झैँ “समर्पण”
हिउ र तुषारोहरु ले तिमी लाई
जति नै कठिङ्ग्राए पनि
तिमी पग्लिएर तुषारोमा
चिनी पानीमा घुलित भए जसरी
घुलित हुनु भन्दा
ज्यानकै प्रभा नगरी
सघर्ष गरि रहनु
एक युद्ध सिपाही झैँ निरन्तर
कर्तव्य र अघिकारको लागि ,
काली र दुर्गाको रुप धारण गरेर
सुदर्शन चक्र उठाई
रावणको बध गर्नु पर्छ तिमीले
आफ्नो सन्ततिको लागि
किन कि तिमी आमा हौ।।

सीमा कार्की समर्पण

काभ्रे पाँचखाल 

हाल प्रवास 






Related Posts
  • नेपाल कुवेत साँस्कृतिक मञ्चको १० औं वार्षिक उत्सव सम्पन्न
  • तामाङ समाज युएईको “ल्होछार साँझ-२०२०”कार्यक्रमको तयारी अन्तिम चरणमा
  • ईनास कुवेतको वार्षिक उत्सव तथा सांस्कृतिक कार्यक्रमको तयारी पुरा
  • नेपाल मगर संघ युएईको सगौरव प्रस्तुति माघ्या सकराटी मेला-बृहत् सांस्कृतिक साँझ २०७६”को तयारी पुरा
  • पछिल्ला सम्प्रेसणहरु

    थारु कल्याणकारिणी सभा यूएई द्वारा आयोजित माघी उत्सव भब्यरुपमा सम्पन्न

    नेपाल कुवेत साँस्कृतिक मञ्चको १० औं वार्षिक उत्सव सम्पन्न

    तामाङ समाज युएईको “ल्होछार साँझ-२०२०”कार्यक्रमको तयारी अन्तिम चरणमा

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस