नेपालको प्रस्ताव भारतले रुचाएन, अटेर गर्दै भारतीय राजदूतावास

काठमाडौं, २१ असार । प्रधानमन्त्री केपी शार्मा ओलीले संसदमा जानकारी गराए पनि विराटनगरस्थित सम्पर्क कार्यालयलाई भारतले हटाउन रुचाएको छैन ।

नेपाल भ्रमणका बेला भारतीय प्रधानमन्त्री नरेन्द्र मोदीले विराटनगरको सम्पर्क कार्यालय हटाउने आश्वासन दिएका थिए । यूनाइटेड पोष्ट साप्ताहिकले समाचार छापेको छ ।

मोदीको आश्वासनपछि ओलीले संसदमा सो कार्यालय एक महिनाभित्र हट्ने जनाएका थिए । भारतले व्यवस्थापन लगायतका केही प्रक्रिया पूरा गर्नुपर्ने भन्दै सम्पर्क कार्यालयलाई हटाउन रुचाएको छैन ।

भारतले विराटनगरस्थित सम्पर्क कार्यालय बन्द गर्ने बचन नेपाल सरकारलाई दिएको छ । विराटनगरको सम्पर्क कार्यालय हट्ने वित्तिकै नेपाली व्यापारीहरूलाई सानो कामका लागि पनि काठमाडौंस्थित भारतीय राजदूतावास धाउनु पर्नेछ ।

राष्ट्रवादको नारा लगाएर झण्डै दुईतिहाई बहुमत ल्याएका तत्कालीन एमाले र माओवादी केन्द्रले विराटनगरको भारतीय सम्पर्क कार्यालय हटाउन दवाव दिँदै आएका छन् ।

तर, त्यो कार्यालयले आफूहरूलाई सजिलो भएको भन्दै व्यापारीहरूले नहटाउन दवाव दिएको उच्च स्रोतले जनाएको छ । विराटनगरस्थित सम्पर्क कार्यालय भवनमा भारतीय झण्डा फहराई रहेको छ । कार्यालयमा कर्मचारीपनि यथावत छन् ।

अघिल्लो हप्ता मोरङ उद्योग व्यापार संगठनको टोली विराटनगर नजिकै बनाइँदै गरेको सुख्खा बन्दरगाह अवलोकन गर्न जाँदा भारतीय सम्पर्क कार्यालयका अधिकारीहरू पनि सँगै गएका थिए ।

भारतीय सम्पर्क कार्यालय बन्द गर्ने होइन, निरन्तरता दिने जवाफ आएको दावी नेकपाका एक नेताले बताए । सीमा क्षेत्रमा बाँधिएका बाँध सम्बन्धी जिम्मेवारी पूरा गर्न सो कार्यालय आवश्यक रहेको जवाफ भारतीय अधिकारीहरूले दिएका छन् ।

सीमा क्षेत्रमा भएका बाँधले सिर्जना गरेको डुबान समस्या समाधानका लागि नेपाल–भारतबीच संयुक्त कमिटी बनेको जानकारी दिँदै त्यसलाई सघाउन पनि सम्पर्क कार्यालय आवश्यक रहेको भारतीय पक्षको भनाइ छ ।

२०६५ भदौमा आएको बाढीले कोशीको बाँध भत्काएपछि उत्पन्न समस्या समाधानका लागि भारतले विराटनगरमा सम्पर्क कार्यालय स्थापना गरेपनि त्यसको प्रयोजन सकिएपछि नेपाल सरकारको अनुरोधका बाबजुद हटाएको थिएन ।






Related Posts
  • ब्रेन ट्युमर भएकी पिडित सबिना तामाङ लाई कुबेत बाट (नेपाली १ लाख ७१ हजार रुपैयाँ) आर्थिक सहयोग
  • सर्जक प्रेम कटवालको शब्दमा राजु थापा मगरको “मेरी आमा“ म्युजिक भिडीयो सार्वजनिक
  • राष्ट्रिय पन्चे बाजा समुह नेपाल कुवेतको प्रथम अधिवेशन कार्यक्रमको लागि तयारी पुरा
  • कुवेतमा क्रीयाशिल तीन किराती संस्थाले संयुक्तरुपमा किरातीहरुको महान चाड उधौली मनाउने
  • पछिल्ला सम्प्रेसणहरु

    ब्रेन ट्युमर भएकी पिडित सबिना तामाङ लाई कुबेत बाट (नेपाली १ लाख ७१ हजार रुपैयाँ) आर्थिक सहयोग

    राष्ट्रिय पन्चे बाजा समुह नेपाल कुवेतको प्रथम ऐतिहासिक अधिवेशन कार्यक्रम सम्पन्न

    दोहा कतारमा राष्ट्रिय किरात महान चाड उद्यौली –५०७९ डिसेम्बर २० मा हुने

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस