युवा साहित्यकार मालिका केशरीको ‘सुवर्णलता’ विमोचित

जनवरी २२,काठमाडौं । सरल भाषशैली प्रयोग गरेर गहन विषयलाई उजागर गर्ने युवा साहित्यकारको रुपमा प्रसिद्धि पाएका मालिका केशरीद्वारा लिखित सुवर्णलताको सोमबार काठमाडौंमा विमोचन भएको छ ।

 

संगीत तथा नाट्य प्रज्ञा प्रतिष्ठानका कुलपति सरुभक्त तथा प्राज्ञ गीता केशरीले संयुक्त रूपमा पुस्तक विमोचन गरेका थिए । पुस्तकमा नारीको वर्तमान अवस्था र विगतको तुलना गरिएको छ ।
बौद्ध दर्शनको बारेमा पुस्तकमा परिचर्चा गरिएको पाइन्छ । पुस्तकको बारेमा बोल्दै सरुभक्तले भने, ‘नेपाली साहित्यमा युवा पुस्ताको प्रवेश आशालाग्दो तवरले भएको छ ।

आत्मैदेखिको चाहनाले उत्प्रेरित भएर लेखकले साहित्य सिर्जना गरेका छन् ।’ उपन्यास नायिका प्रधान भएको चर्चा गर्दै उनले यस्ता कृतिबाट नेपाली साहित्यको भण्डार वृद्धि हुनेमा विश्वास व्यक्त गरे ।
प्राज्ञ गीता केशरीले उपन्यासको बारेमा समीक्षा गरेकी थिइन् । उनले बुद्ध वाणीमा आधारित यस्ता सिर्जना नेपाली साहित्यमा आवश्यक भएको बताइन् ।

साल्दाङमा बाटो खन्दा भेटिएकी नायिका सुवर्णलताबाट उपन्यासले नयाँ मोड लिन्छ । मिथकीकरण गरेर भए पनि बुद्ध उपदेशलाई स्थान दिएको भन्दै थप यस्ता रचना आउनेमा उनले आशा व्यक्त गरिन् ।


उपन्यासमा लेखाकले देखाएको हजुरआमा र नातिनी बिचको सम्बन्ध अति नै सौहार्द रहेको चर्चा गर्दै उनले भनिन् यसले बृद्धबृद्धालाई गरिने ब्यवहारमा नै परिवर्तन ल्याउन सक्ने बताइन् ।

लेखक मालिका केशरीले हजुरआमाले बाल्यकालमा सुनाएका कथाबाट नै आफूमा लेखनकला विकास भएको विचार व्यक्त गरे । कार्यक्रममा लेखककै ‘पुनरुत्थान’ को दोस्रो संस्करणको पनि विमोचन गरिएको थियो ।

त्यस पुस्तकमा द्वन्द्वकालमा नेपाली समाजको अवस्था चित्रण गरिएको छ । तत्कालीन परिवेशमा सर्वसाधारण कसरी विद्रोही र सेनाको दोहोरो चेपुवामा परेका थिए भन्ने विस्तृत वर्णन गरिएको छ । मालिका केशरीका दुवै उपन्यास सांग्रिला बुक्सले प्रकाशन गरेको छ ।

।म्युजिकखबरबाट






Related Posts
  • १३ औं साग : नेपाललाई दोस्रो दिन १५ स्वर्ण, क–कसले दिलाए पदक ? (सुचीसहित)
  • आगामी डिसेम्बर १३ तारिख युएईमा संयुक्त रुपमा उधौली साकेला भब्य मनाउदै ।
  • कुवेतमा कार्यरत श्रमिकहरुका समस्याको बारेमा अन्तरक्रिया कार्यक्रम सम्पन्न
  • माउण्ट एभरेष्ट स्पोर्टिङ क्लबको ८औं अधिवेशन तथा वार्षिक उत्सव आगामि २० डिसेम्बरमा हुने
  • पछिल्ला सम्प्रेसणहरु

    प्रकाशको ‘स्याउ स्याउ नाना’ सार्वजनिक (भिडियो सहित)

    जापान जाने श्रमिक छनोटः सीप परीक्षामा सबै फेल

    नेपाल कुवेत सरोकार समाजले नेपाली नयाँ बर्ष २०७७ तथा तेश्रो साँस्कृतिक धमाका मनाउने

    बिजनेष

    जेष्ठ नागरिकलाई श्री एयरलाइन्सले ५ सयमा प्लेन चढाउने

    अन्तर्वार्ता

    हामीसंग फेसबुकमा जोड़िनुहोस